Rita Ora me dedikim të veçantë për bashkëshortin e saj, Taika Waititi në ditëlindjen e tij të 49-të

Këngëtarja shqiptare me famë botërore, Rita Ora, i ka bërë një dedikim të veçantë bashkëshortit të saj, regjisorit të njohur Taika Waititi, me rastin e ditëlindjes së tij të 49-të.

Në një postim të ngrohtë në Instagram, Rita ka ndarë disa fotografi atraktive të çiftit, të realizuara gjatë festës së ditëlindjes së Taikës, ku të pranishëm kanë qenë vetëm rrethi i ngushtë shoqëror.

Në mbishkrimin që shoqëron fotot, Rita ka shkruar: “Gëzuar ditëlindjen Luanit tim, me disa kujtime dhe të qeshura…Taika Waititi, ps: Thika në topin e rugby ishte nga Taika sepse nuk dinim si ta prisnim tortën”.

Festa e ditëlindjes së Taikës ka qenë një moment i veçantë për çiftin, të cilët janë të njohur për lidhjen e tyre të ngushtë dhe mbështetjen reciproke në karrierat e tyre të suksesshme.

Taika Waititi, i cili festoi ditëlindjen e tij të 49-të, vazhdon të jetë një nga emrat më të njohur në kinematografinë hollivudiane, me projekte të shumta që kanë fituar vlerësime të larta.

Dedikimi i Ritës për bashkëshortin e saj nuk është vetëm një shprehje e dashurisë, por edhe një përkujtim i momenteve të lumtura që ata ndajnë së bashku, duke forcuar lidhjen e tyre dhe duke festuar suksese të përbashkëta.

Fansat e çiftit kanë mirëpritur me entuziazëm postimin e Ritës, duke u bashkuar në urimet për ditëlindjen e Taikës dhe duke vlerësuar lidhjen e fortë të çiftit të famshëm. /Telegrafi/