Rikthimi nga lëndimi dhe debutimi në kampionatin kroat – Bujar Pllana flet për aventurën e re me Slaven Belupon dhe zbulon objektivat
Bujar Pllana kishte lënë përshtypje të mira në Superligën e Kosovës, fillimisht me Feronikelin, pastaj edhe me Prishtinën ku sezonin që shkoi ishte prej më të mirëve në elitën e futbollit kosovar.
Paraqitjet e tij ia mundësuan një kalim te klubi kroat Slaven Belupo, ku që në fazën përgatitore pësoi një dëmtim në krahë që e bëri të mungojë për disa muaj, por tani ai është kthyer dhe që në start ka tërhequr vëmendjen me paraqitjet e tij.
Pllana përveç lojën së mirë në mbrojtje me markime të forta për kundërshtarët, ai njihej edhe për lojën e mirë në sulm, me pasime të shpejta e të sakta, por edhe për shënimin e golave.
Në një intervistë për Telegrafin, ai ka folur për aventurën me Slaven Belupon, paraqitjet e para, përshtypjet dhe adaptimin dhe shumë çka tjetër.
“Po tani jam rikthyer nga lëndimi që kisha në krahë që me la jashtë për rreth pesë muaj. Ishte kohë e vështirë gjatë kësaj periudhe, por fal zotit gjithçka shkojë mirë gjatë rikuperimit dhe tani po ndihem shumë mirë”, ka thënë fillimisht Pllana.
Slaven Belupo po zhvillon një sezon të mirë duke mbajtur pozitën e gjashtë në renditje, e ku po udhëhiqet nga sulmuesi anësor Arbër Hoxha, për të cilin Pllana thotë se e a ndihmuar shumë të adaptohet në klubin e ri, ndërsa shpreson që me këtë klub të zë njërën nga katër pozitat e para.
“Po jemi në moment të mirë, tani fituam edhe në ndeshjen e fundit ndaj një kundërshtari të forta si Rijeka (2-4), ku shpresojmë që te arrijmë në katër vendet e para. Arbëri më ka ndihmuar shumë prej momentit kur kam ardhur në Kroaci për gjithçka dhe ka qenë afër meje në çdo moment. Kjo ma ka bërë shumë më të lehtë ambientimin”, nënvizoi Pllana.
Mbrojtësi që mund të luajë pothuajse në të gjitha pozitat, ka thënë se niveli në kampionatin kroat është shumë i lartë, por shtoi se shumë lojtarë nga Kosova do të luanin pa problem, pasi që kanë kualitet.
“Niveli i kampionatit kroat është më i lartë, duke filluar nga përgatitjet fizike, te ritmi i lartë i lojës dhe infrastruktura. Fushat e mira ua mundësojnë të gjithëve të shfaqin atë që kanë. Normalisht që shumë lojtarë nga Kosova do të mund të luanin në Kroaci, pasi këtë gjë ë ka dëshmuar edhe Ballkani në garat evropiane”, deklaroi mbrojtësi mitrovicas.
Për fund ia u ndal te kampioni i Kosovës dhe ish klubi i tij Prishtina, ku fitoi Kupën e Kosovës, duke thënë se skuadra e kryeqytetit mund të bëjë edhe më shumë pasi ka lojtarë të mirë.
“Prishtina ka mundur të bëjë edhe më shumë në këtë stinor, por besoj që me organizimin që janë duke e bërë do të tregojnë rezultate edhe më të mira në stinorin pranveror”, përfundoi Pllana.
Qendërmbrojtësi 22 vjeçar në të shkuarën ka qenë pjesë e Kosovës U21 dhe nëse vazhdon me paraqitje të mira, do të jetë një mundësi më shumë për Kosovën A në të ardhmen. /Telegrafi/
Lufta Prigozhin - Putin
Më shumëPamje të reja nga përleshja e Salahut me Kloppin tregojnë saktësisht se çfarë ka ndodhur
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Nëntë pritje dhe nota më e lartë, shkëlqimi i Arijanet Muric që i vetëm ndali Manchester Unitedin
Salah pyetet për përleshjen me Kloppin – jep një përgjigje të shkurtër, por të ashpër
Jurgen Klopp thyen heshtjen me një përgjigje të qartë lidhur me debatin e ashpër me Salahun
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë