Rikthehen komentet e Kloppit për shpenzimet e Cityt – pas akuzave nga Liga Premier

Komentet e mëparshme të Jurgen Kloppit për financat e Manchester Cityt janë rishfaqur pasi Liga Premier akuzoi klubin nga Etihad për shkeljen e rregullave të tij financiare.

City dyshohet se ka shkelur rregullat e ligës gjatë një periudhe prej nëntë vjetësh midis sezoneve 2009-10 dhe 2017-18.

Klubi pretendohet se nuk ka dhënë informacion të saktë financiar “në veçanti në lidhje me të ardhurat e tij (përfshirë të ardhurat nga sponsorizimi), palët e lidhura me të dhe kostot e tij operative”.

Lexo po ashtu Manchester City reagon ndaj akuzave të Ligës Premier

Ka shkelje të tjera të supozuara në lidhje me rregullat që kërkojnë detaje të plota të “shpërblimit të trajnerit” në lidhje me sezonet 2009-10 deri në 2012-13, kur Roberto Mancini ishte në krye.

Një hetim katërvjeçar në financat e Cityt ka gjetur më shumë se 100 shkelje të supozuara të rregullave, të cilat tani i janë referuar një komisioni.

Në fillim të këtij sezoni, trajneri i Liverpoolit, Klopp komentoi nivelin e shpenzimeve të Cityt, me ato citate që tani rishfaqen pas lajmeve për shkeljet e supozuara të rregullave.

Lexo po ashtu Publikohen shkeljet që i ka bërë Manchester City brenda dhe jashtë Ligës Premier

I pyetur nëse Liverpool mund të vazhdojë me Cityn pas nënshkrimit të Erling Haaland, Klopp tha: “Nuk do t’ju pëlqejë përgjigjja, dhe ju të gjithë e keni tashmë përgjigjen. Askush nuk mund të konkurrojë me Cityn në këtë aspekt”.

“Ju keni ekipin më të mirë në botë dhe keni marrë sulmuesin më të mirë në treg. Pa marrë parasysh sa kushton, ju thjesht e bëni atë”.

“E di që Cityt nuk do t’i pëlqejë, askujt nuk do t’i pëlqejë, ju e keni bërë pyetjen, por ju e dini përgjigjen. Çfarë bën Liverpooli? Ne nuk mund të sillemi si ata. Nuk është e mundur”, ka vazhduar gjermani.

Lexo po ashtu Manchester City përballet me përjashtim nga Liga Premier mes dënimeve të tjera të rënda

City transferoi Haalandin nga Borussia Dortmund në një marrëveshje që raportohet të jetë me vlerë 60 milionë euro në verën e kaluar.

Megjithatë, u pretendua se kostoja totale e marrëveshjes së tij shumëvjeçare mund t’i kushtojë Cityt më shumë se 300 milionë euro, pasi të merren parasysh pagat, bonuset dhe tarifat e agjentëve. /Telegrafi/