LAJMI I FUNDIT:

Ricardo Prasel, dikur pjesë e Chelseat dhe mik me Ballack dhe Drogba – tani luftëtar i MMA

Ricardo Prasel, dikur pjesë e Chelseat dhe mik me Ballack dhe Drogba – tani luftëtar i MMA
-->

Ricardo Prasel dikur ishte një nga portierët më premtues brazilian, ku karrierën e nisi te Athletico Paranaense, ndërsa kur kishte vetëm 18 vjet një nga klubet më të mëdha evropiane, ai i Chelseat të Jose Mourinhos bleu kartonin e tij.

Prasel mbërriti në “Stamford Bridge” si një portier i ri premtues në një ekip që tashmë kishte emra si Petr Cech dhe Henrique Hilario në atë pozicion.

Ai fitoi kontratën e tij të parë profesionale si portieri i tretë i klubit londinez, edhe pse ai pothuajse nuk kishte asnjë mundësi që të ruante portën në Ligën Premier.

Portieri brazilian, megjithatë, nuk e humbi besimin dhe, pas stërvitjeve, i kërkonte Michael Ballackut dhe Didier Drogbas të qëndronin dhe të gjuanin goditje të lira dhe penalltitë në të.

“Ishte e pabesueshme, ata nuk mungonin asnjë ditë dhe Drogba ishte thjesht i pandalshëm”, kishte rrëfyer Prasel për gazetën gjermane Bild më shumë se 10 vjet më vonë.

Një dëmtim i kofshës e pengoi atë të vazhdonte me klubin anglez dhe, pas një viti në fushë, ai u përpoq të ringjallte karrierën e tij në Belgjikë.

Problemi i lëndimit vazhdoi dhe Prasel vendosi të varte dorezat dhe të ndryshonte plotësisht jetën e tij.

Ai u bë një fans i ‘Jiu-jitsu’, të cilin e mësoi për të qëndruar në formë sa ishte i lënduar, por më vonë Prasel filloi të mendonte të luftonte për jetesën dhe mori pjesë në disa kampionate luftarake në Brazil, ku u bë specialist i MMA.

Ai në fakt ishte afër UFC-së, por u largua pasi humbi një luftë në 2019, duke pretenduar se nuk ishte ende gati.

Tani, tre vjet më vonë dhe disa luftëra të fituara, Prasel dëshiron të përpiqet të depërtojë në KSW, liga më e mirë e MMA në Evropë, ku ai njihet si ‘Gjermani’ për shkak të kombësisë së babait të tij.

Me një rekord prej 11 fitoresh dhe tre humbjesh, portieri i dikurshëm i Chelseat tani nuk duhet të ndalojë më goditjet e fuqishme të Drogbas dhe Balaxk, por goditjet dhe grushtet e kundërshtarëve të tij. Ai ka më pak frikë prej tyre, se sa prej goditjeve të topit. /Telegrafi/

Në trend Sport

Më shumë
Ancelotti ka vetëm një lojtar të paprekshëm në ekip – nuk është Vinicius as Bellingham

Ancelotti ka vetëm një lojtar të paprekshëm në ekip – nuk është Vinicius as Bellingham

La Liga
Lojtarët e Liverpoolit kanë gjetur zëvendësuesin e Kloppit, vjen përgjigja direkte nga trajneri

Lojtarët e Liverpoolit kanë gjetur zëvendësuesin e Kloppit, vjen përgjigja direkte nga trajneri

Premier League
Ancelotti paralajmëron Viniciusin pas polemikave: Tifozët e Osasunës ishin korrekt

Ancelotti paralajmëron Viniciusin pas polemikave: Tifozët e Osasunës ishin korrekt

La Liga
Barcelona i përgjigjet çmimit që Man Utd i ka vënë kartonit të Greenwood

Barcelona i përgjigjet çmimit që Man Utd i ka vënë kartonit të Greenwood

La Liga
Barcelona po planifikon transferimin e lojtarit 'të harruar' të Bayernit

Barcelona po planifikon transferimin e lojtarit 'të harruar' të Bayernit

La Liga
E dogjën fanellën e tij, Felix reagon ndaj tifozëve të Atletico Madridit: Ata nuk e dinë çfarë ka ndodhur

E dogjën fanellën e tij, Felix reagon ndaj tifozëve të Atletico Madridit: Ata nuk e dinë çfarë ka ndodhur

La Liga
Kalo në kategori