Ishte rezervist i ushtrisë izraelite: ‘E pësoi keq, pasi ra në grackë’ – bëhet e ditur se kush ishte personi që u përpoq të rrëzonte një flamur palestinez në Bregun Perëndimor

Disa pamje të publikuara në internet thuhet se tregojnë momentin kur një rezervist i ushtrisë izraelite jashtë detyrës mbeti i plagosur pasi tentoi të “rrëzonte” një flamur palestinez në Bregun Perëndimor.

Sipas mediave të huaja, përcjell Telegrafi, burri, thuhet se është 25 vjeç dhe i quajtur Israel Levy, u kap në kamera duke u përpjekur të hiqte flamurin pranë vendbanimit Kochav Hashahar në Bregun Perëndimor.

Pamjet që janë shpërndarë në X, dikur Twitter, treguan burrin duke sulmuar nëpër një fushë të tejmbushur teksa marshonte drejt një flamuri të vetmuar palestinez që ishte ngritur në mes të kullotës.

Ndërsa ec tutje, ai mund të shihet duke iu afruar flamurit jeshil, të bardhë, të kuq dhe të zi, pa vetëdije për kurthin e dukshëm që ishte vendosur aty.

Burri vazhdon të godasë me forcë dhe menjëherë shkaktohet një shpërthim, duke e bërë atë “të fluturojë mbrapa”.

Një re e dendur tymi përfshin njeriun që zhduket nga fokusi i kamerës ndërsa mbeturinat hidhen nëpër fushë nga forca e shpërthimit.

Duket se një grua ka filmuar skenën nga ulësja e pasagjerit të një makine, por ajo mbetet brenda automjetit teksa filmon ngjarjen.

Pas disa çastesh, burri nuk mund të shihet më, por sipas raporteve lokale, shërbimet e urgjencës së Shpëtimit pa Kufij thanë se ai u trajtua në vendngjarje për lëndime të lehta dhe nuk pranoi të dërgohej në spital.

Fillimisht u raportua se burri ishte një banor izraelit i Binyamin, por IDF më vonë konfirmoi se izraeliti ishte një ushtar i IDF-së në rezervë, i cili ishte me pushime.

Sipas The Jerusalem Post, IDF thuhet se po heton incidentin dhe trupat deklaruan se po kërkonin të dyshuarit në zonë.

Bregu Perëndimor ka vazhduar të dëshmojë një rritje të dhunës gjatë luftës së fundit shtatë-mujore në Rripin e Gazës, me palestinezët dhe izraelitët që vazhdojnë të përplasen përgjatë vendbanimeve të pushtuara. /Telegrafi/