Rëndësia e video-lojërave në diferencat gjinore dhe në zhvillimin e inteligjencës
Burrat vazhdimisht kanë performuar më mirë se gratë në detyra hapësinore, që përfshijnë rotacionin mendor e cila është aftësia për të identifikuar se si do të shfaqet një objekt 3-D nëse rrotullohet në hapësirë.
Kur flasim për inteligjencën hapësinore, është zbuluar se të luash video-lojëra aksion, mundet që vitualisht të zvogëlohet pabarazia gjinore në aftësinë e rotacionit mendor, një proces i nivelit të lartë në njohjen hapësinore, transmeton Telegrafi.
Pas 10 orëve trajnim me një video-lojë, subjektet patën përfitime të konsiderueshme në zhvillimin e vëmendjes hapësinore dhe rotacionit mendor, ku vajzat përfituan më shumë se djemtë. Subjektet e grupit të kontrollit, të cilët luajtën video-lojëra jo aksion, nuk patën ndonjë përmirësim.
Duke pasur parasysh se aftësitë superiore hapësinore janë të rëndësishme në shkencat matematikore dhe inxhinierike, këto gjetje kanë rëndësi praktike për tërheqjen e burrave dhe grave në këto fusha.
Ndikimi i video–lojërave në zhvillimin e inteligjencës
Video-lojërat janë bërë pjesë e pandashme e pothuajse të gjithë fëmijëve dhe adoleshentëve, ku në Shtetet e Bashkuara, 97% e tyre luajnë të paktën një orë në ditë. Shumica dërmuese e hulumtimeve nga psikologët lidhur me efektin e të luajturit, kanë qenë të fokusuara tek ndikimi negativ i video-lojërave: dëmi potencial në lidhje me dhunën, varësinë dhe depresionin.
Këto hulumtime janë të rëndësishme por ka teori që tregojnë se nevojitet një perspektivë më e balancuar, e cila nuk merr parasysh vetëm efektet negative.
Luajtja e video lojërave gjithnjë e më shumë po bëhet një aktivitet i kohës së lirë në mes të adoleshentëve, disa shqetësime janë shprehur lidhur me pasojat e mundshme shoqëruese që mund të vijnë nga kjo, por në vitet e fundit ka pasur një shpërthim të hulumtimeve që shqyrtojnë se eskperienca në luajtjen e videolojërave është e lidhur me zhvillimin aftësive të ndryshme kognitive.
Këto hulumtime kanë demonstruar se luajtësit e videolojërave performojnë më mirë sesa ata që nuk luajnë, në teste lidhur me kontrollimin e vëmendjes, aftësitë vizuale-hapësinore, dhe kontrollit ekzekutiv.
Për më tepër, një gjetje tipike nëpër studime të ndryshme është se luajtësit e videolojërave janë më të shpejtë në një numër të detyrave sesa ata që nuk i preferojnë këto lojëra. Këto zbulime kanë bërë që shumë hulumtues të konstatojnë se luajtja e videolojërave mund të përmirësojë një sërë aftësish kognitive.
Ky përfundim është mbështetur nga studime të ndryshme eksperimentale, në të cilat subjektet që kanë luajtur një lojë për një kohë të caktuar, më pas kanë shfaqur një performancë më të mirë në disa matje, në krahasim me subjektet e grupit kontrollues që nuk e kanë luajtur lojën.
Kjo mendohet të vijë si shkak e neuroplasticitetit, pasi që luajtja e video-lojërave është dëshmuar të shkaktojë ndryshime strukturore dhe funksionale në trurin e luajtësit, duke “trajnuar” trurin, e duke krijuar lidhje të reja neurale, në të njëjtën mënyrë siç e trajnon atë mësimi i luajtjes së pianos, ose navigimi me harta. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel