Rebecca Loos thyen heshtjen në rrjetet sociale për skandalin e tradhtisë së David Beckham, pas rishfaqjes së historisë në dokumentarin e ri të Netflix “Beckham”

Rebecca Loos ndau një përgjigje të fshehtë kur pretendimet për lidhjen e saj me David Beckahm u vunë në pikëpyetje në vazhdën e dokumentarit të ri të Netflix “Beckham”.

Modelja holandeze, 46 vjeçe, u bë e njohur në vitin 2004 pasi pretendoi se kishte pasur një lidhje me Beckham, 48 vjeç.

Akuzat dolën sërish në dritë në dokumentarin e ish-futbollistit, dhe Rebecca u vërshua sërish me mesazhe mizore nga përdoruesit në internet.

Disa komentues pyetën nëse ajo kishte gënjyer për lidhjen, me një person që shkruante: “Askund nuk kam parë një pranim se historia ishte e vërtetë”, shkruan DailyMail.

Duke iu përgjigjur komentit paraprak, një komentues tjetër tha: “Nëse nuk ishte e vërtetë, atëherë ata do të kishin paditur për shpifje”.

Ish-personaliteti televiziv, Rebecca ka qenë objektiv i disa kritikave të ashpra në rrjetet sociale, duke nxitur ndjekësit e saj t’i dërgojnë mbështetje.

Një person shkroi në komentet e saj në Instagram: “Shpresoj që të jeni mirë në dritën e gjithçkaje e dashur, dhe sinqerisht shpresoj që të gjithë të jenë të sjellshëm me ju këto ditë”, që Rebecca iu përgjigjur me një emoji me zemër.

Rebecca zbuloi se po përpiqej të shihte anën pozitive të komenteve negative.

Siç shkroi një tjetër fans i saj: “Disa nga komentet këtu janë të neveritshme!!! Qëndroni të fortë. Ju keni një jetë të bukur me familjen tuaj të mrekullueshme, e cila ndryshe nga të tjerët nuk duhet të mbushë boshllëqet duke përfshirë Netflix”, dhe Rebecca që u përgjigj: “Faleminderit, po i pranoni komentet e neveritshme me aq humor sa mundem”.

Të nesërmen, ajo zbuloi se ajo kishte dhënë mësim yoga në vendlindjen e saj, Suedi, ndërsa ndau një foto nga pushimi i saj relaksues.

Kjo vjen pasi Rebecca theu heshtjen e saj në rrjetet sociale, pasi David dhe Victoria Beckham folën për lidhjen e supozuar të futbollistit me ish-asistenten e tij.

Ajo postoi në Instagram për herë të parë që nga shfaqja e serialit, duke shpërndarë një video të borës jashtë, ku ajo shkroi: “Përshëndetje dimër! Herët si zakonisht”.

Pas skandalit, Rebecca që atëherë është zhvendosur në malet norvegjeze larg vëmendjes.

Në serialin me katër pjesë, Victoria pranoi se muajt pas lidhjes së pretenduar të Davidit ishin ‘më të vështirat’ e jetës së saj dhe tha se ajo nuk ndihej më sikur çifti ‘kishte njëri-tjetrin’.

David gjithashtu pranoi se ai ende nuk e di se si e kaluan krizën, por tha se ai dhe gruaja e tij e dinin se duhej ‘të luftonin për familjen e tyre’.

Davidi habiti botën kur lidhja e tij e supozuar me Rebeccan u zbulua në gazetën News Of The World, që tashmë nuk egziston.

Në një intervistë me Sky News, Rebecca pohoi se kishte fjetur me Davidin të paktën katër herë.

Gjatë gjithë karrierës së saj, Rebecca u shfaq në disa shfaqje televizive në Mbretërinë e Bashkuar, duke përfshirë Celebrity Love Island, Extreme Celebrity Detox, Temptation Island dhe The X Factor: Battle of the Stars.

Por ajo u largua nga qyteti pasi takoi burrin e saj doktor norvegjez në ‘reality-show’n “71 Degrees North”.

Ajo tani jeton në Norvegji dhe e kalon kohën duke praktikuar joga, vrapim, biçikletë, ecje dhe kërkim ushqimi me djemtë e saj.

Duke folur për The Sun për jetën e saj të re, Rebecca tha: “Tani e kaloj kohën time duke praktikuar joga, vrapim, çiklizëm dhe ecje. Jeta është shumë ndryshe”.

Fotot në mediat sociale tregojnë yllin në habitatet e saj piktoreske, duke përfshirë pamje të mahnitshme të praktikimit të jogës dhe të ecjes ‘topless’ në një shëtitje.

Kur u pyet nëse është penduar për kohën e saj në qendër të vëmendjes, Rebecca tha: “Oh, shumë! Kam marrë shumë vendime të këqija, kam besuar shumë njerëz që nuk duhet t’i kisha”.

Ajo u shfaq gjithashtu në kopertinën e magazinave të djemve duke përfshirë Playboy, FHM, Nuts dhe Zoo.

Në vitin 2004 u raportua se ajo kishte një lidhje me Davidin dhe dyshohet se fitoi 1 milion paund nga drama, sipas The Mirror.

Ajo diskutoi lidhjen e supozuar në intervista të shumta në media dhe paraqitje televizive, por pretendimet nuk u vërtetuan kurrë dhe u mohuan nga ish-futbollisti.

Tani, gati 20 vjet më vonë, Rebecca mban një mënyrë jetese shumë të ndryshme me bashkëshortin e saj Sven Christjar Skaiaa sesa ajo në të 20-at e saj.

Dyshja u martuan në një ceremoni të vogël në vitin 2012 përpara se të transferoheshin në Hemsedal në male për të filluar një jetë të re. Çifti tani ka dy djem Magnus dhe Liam. /Telegrafi/