Real Madridi nënshtron Valencian dhe kalon në finale të Superkupës së Spanjës

Real Madridi ka arritur të shënojë fitore në gjysmëfinale të Superkupës së Spanjës ndaj Valencias me rezultat 3-1.

Sistemi me katër ekipe në Superkupën e Spanjës është duke u përdorur për herë të parë, ndërsa po zhvillohet në Arabinë Saudite.

Ndeshja u zhbllokua shpejt, që në minutën e 15-të, kur Toni Kroos arriti të shënojë një gol të jashtëzakonshëm nga goditja e këndit.

Mesfushori gjerman e zuri në befasi portierin dhe mbrojtjen e Valencias me një goditje të shpejtë dhe direkt nga këndi.

Nuk vonoi shumë dhe Real Madridi e shënoi edhe golin e dytë.

Ishte Isco që pranoi një top të kthyer dhe me një goditje të bukur e dërgoi skuadrën e tij në pushim me rezultat 2-0.

Forma e mirë e mbretërve vazhdoi edhe në pjesën e dytë.

Zhvillohej minuta e 65-të e takimit, kur Luka Modric shënon një gol shumë të bukur me një goditje të saktë (3-0).

Krejt çka mundi të bëjë Valenica ishte një gol në kohën shtesë i shënuar nga Dani Parejo nga pika e bardhë (3-1).

Real Madridi ka kaluar në finale të Superkupës së Spanjës, ku e pet fituesin e ndeshjes së dytë që zhvillohet të enjten mes Barcelonës dhe Atletico Madridit. /Telegrafi/

TONI KROOS… CORNER TAKEN QUICKLY… GOALLLLL. pic.twitter.com/sO6RlknyV4

— fan account. (@TotalCristiano) January 8, 2020

ISCO GOAL REAL MADRID 2-0 FOLLOW FOR LIVE GOALS pic.twitter.com/oJjTc74kko

— HD GOALS LIVE (@HDGoalsLive) January 8, 2020

⚽️ Cá está o golaço de Modric! pic.twitter.com/wqFQ3B1gAG

— Davids® (@d20fernandes) January 8, 2020