LAJMI I FUNDIT:

U shpall fajtor nga Gjykata për konflikt interesi, Elezaj i bindur që Apeli do ta rrëzojë vendimin

U shpall fajtor nga Gjykata për konflikt interesi, Elezaj i bindur që Apeli do ta rrëzojë vendimin

Kryetari i Komunës së Klinës, Zenun Elezaj i cili gjatë ditës së sotme është dënuar me 4 mijë euro gjobë për rastin ku ai akuzohej nga Prokuroria Themelore në Pejë për konflikt interesi, ka reaguar pas këtij vendimi duke u shprehur i bindur se Gjykata e Apelit do ta rrëzojë vendimin e Gjykatës Themelore.

Elezaj përmes një postimi në Facebook ka thënë se nuk e ka kryer veprën për të cilën është dënuar, por i është shmangur konfliktit të interesit


“Sot, përmes mbrojtësit kam kuptuar se Gjykata Themelore në Pejë, si Gjykatë e shkallës së parë, më ka shpallur fajtor për veprën penale të konfliktit të interesit. Duke qenë se vendimin gjykata e ka shpallur sot, jam i bindur se ankesa drejtuar Gjykatës së Apelit të Kosovës si Gjykatë e shkallës së dytë do rrëzojë këtë vendim të Gjykatës Themelore në Pejë. Kjo meqë unë jo që nuk kam kryer veprën penale në fjalë, por i jam shmangur konfliktit të interesit”, shkruan Elezaj.

Ai shton se ka zbatuar ligjin në përpikëri, ndërsa thotë se Prokuroria nuk ka ofruar prova për të mbështetur aktakuzën e saj.

Zenun Elezaj shpallet fajtor, dënohet me 4 mijë euro gjobë dhe me ndalimin të ushtrimit të funksioneve zyrtare në afat prej 2 vitesh
Lexo po ashtu Zenun Elezaj shpallet fajtor, dënohet me 4 mijë euro gjobë dhe me ndalimin të ushtrimit të funksioneve zyrtare në afat prej 2 vitesh

“E për habinë time, Gjykata e shkallës së parë ka gjetur bazë të më shpallë fajtor pa asnjë provë të drejtpërdrejt. Sa do që ky vendim nuk është i drejtë për mua, shpresoj se ai nuk është nxitur nga interesat politike të kujtdo. Pasi do të pranojmë vendimin me shkrim, sigurisht se ekipi i mbrojtjes do të deklarohet për opinionin tonë përshtatshmërisht”, shkruan Zenun Elezaj.

Ndryshe, kryetari i Komunës së Klinës, Zenun Elezaj, është dënuar me 4 mijë euro gjobë për rastin ku ai akuzohej nga Prokuroria Themelore në Pejë për konflikt interesi. Sipas aktgjykimit të shpallur nga kryetarja e trupit gjykues Violeta Husaj- Rugova, ndaj tij u shqiptua edhe dënimi plotësues edhe ndalimi i ushtrimit të funksioneve publike në afat prej 2 vitesh, raporton “Betimi për Drejtësi”.

Elezaj dënimin me gjobë duhet ta paguaj brenda afatit 6 mujor, pasi vendimi të bëhet i formës së prerë. Në rast se i pandehuri nuk e paguan gjobën atëherë të njëjtit do t’i zëvendësohet me dënim me burgim.

Sipas aktakuzës së ngritur më 9 tetor të vitit 2019, nga Prokuroria Themelore në Pejë, Zenun Elezaj akuzohet se më 20 shkurt 2018, në cilësinë e kryetarit të Komunës së Klinës, duke e ditur se vajza e tij, ka për të aplikuar në pozitën “Mjeke e praksës së përgjithshme”, në Qendrën Kryesore të Mjekësisë Familjare (QKMF), në Klinë, ka marrë pjesë personalisht në këtë çështje zyrtare, duke marrë vendim për formimin e komisionit për zhvillimin e procedurave për krijimin e marrëdhënies së punës.

Sipas aktakuzës, komisioni të cilin Elezaj e kishte formuar e kishte përzgjedhur si punëtore vajzën e kryetarit të Klinës, duke e punësuar atë në QKMF-në “Nëna Terezë”, në Klinë.

Në aktakuzë thuhet se hetimet ndaj kryetarit të Klinës, kanë filluar nga kallëzimi penal i ushtruar nga Agjencia Kundër Korrupsion në Prishtinë, ku sipas opinionit të dhënë për prokurorinë, AKK-ja kishte përcaktuar se kryetari i Komunës duhet të përjashtohet nga çfarëdo çështje vendimmarrëse dhe administrative që kanë të bëjnë me ndonjë anëtar të afërm të familjes.

Prokuroria Themelore në Pejë, sipas aktakuzës, më pas ka nisur hetimet ndaj Elezaj më 26 gusht të këtij viti, ku pas analizimit të provave materiale dhe dëshmisë së dëshmitarëve dhe vet të pandehurit, kjo prokurori thuhet se ka ardhur në përfundim se ekzistojnë të gjitha elementet e veprës penale të konfliktit të interesit.

Në trend Lajme

Më shumë
Çka deklaroi në seancën gjyqësore i dyshuari për vrasjen e ish-bashkëshortes në Ferizaj?

Çka deklaroi në seancën gjyqësore i dyshuari për vrasjen e ish-bashkëshortes në Ferizaj?

Drejtësi
Arrestohet një serb në Bërnjak për veprën penale “prishje të rendit kushtetues të Kosovës”

Arrestohet një serb në Bërnjak për veprën penale “prishje të rendit kushtetues të Kosovës”

Lajme
Një muaj paraburgim për të dyshuarin për vrasjen e ish-gruas së tij në Ferizaj

Një muaj paraburgim për të dyshuarin për vrasjen e ish-gruas së tij në Ferizaj

Drejtësi
Lehtësohen edhe më tutje procedurat e kalimit në kufi ndërmjet Kosovës dhe Shqipërisë – Balla dhe Sveçla nënshkruajnë marrëveshjen

Lehtësohen edhe më tutje procedurat e kalimit në kufi ndërmjet Kosovës dhe Shqipërisë – Balla dhe Sveçla nënshkruajnë marrëveshjen

Lajme
Vrasja e 21-vjeçares në Ferizaj, i dyshuari e kishte goditur të ndjerën disa herë në kokë

Vrasja e 21-vjeçares në Ferizaj, i dyshuari e kishte goditur të ndjerën disa herë në kokë

Drejtësi
Lista Serbe dhe Petkoviqi reagojnë pas arrestimit të serbit në veri

Lista Serbe dhe Petkoviqi reagojnë pas arrestimit të serbit në veri

Lajme
Kalo në kategori