Familja e tre shtetasve amerikanë me origjinë shqiptare të vrarë nga forcat serbe në vitin 1999, po i bën thirrje zëvendëspresidentit Mike Pence ta ngre këtë çështje me presidentin serb Aleksandër Vuçiq,ç gjatë vizitës së tij në Shtetet e Bashkuara më 16-18 korrik.
Praveen Madhiraju, përfaqësuesi ligjor i familjes Bytyçi tha për BIRN se familja dëshiron që Pence ta trajtojë çështjen drejtpërdrejt, për t’u siguruar që premtimet e bëra ndaj zyrtarëve amerikanë të respektohen më shumë sesa ato që janë bërë për të mbrojtur Goran Radosavljeviqin.
Familja Bytyçi beson se Radosavljeviqi, ish-komandanti i një njësie speciale policore dhe i qendrës stërvitore në Petrovo Sello, ku tre vëllezërit u mbajtën para se të vriteshin, është i dyshuari kryesor në këtë çështje. Radosavljeviqi tani është në pension, por mbetet aktiv në politikë si një anëtar i bordit ekzekutiv të Partisë Progresive Serbe të Vuçiqit. Ai është marrë në pyetje në lidhje me vdekjen e vëllezërve, por ndaj tij nuk është ngritur ndonjë padi.
“Presidenti Vuçiq ka aftësinë për ta çuar para këtë çështje,” tha Madhiraju, duke shtuar se familja sheh me skepticizëm çdo premtim apo informacion që ofron Vuçiqi.
Yll, Agron dhe Mehmet Bytyqi shkuan për të luftuar për Ushtrinë Çlirimtare të Kosovës kundër forcave të Beogradit dhe u arrestuan nga policia serbe pas përfundimit të luftës, teksa ata shkelën një vijë kufitare të pashënuar midis Serbisë dhe Kosovës. Pasi kryen dënimet e tyre për shkelje të paligjshme të kufirit, u arrestuan përsëri teksa largoheshin nga burgu i zonës në qytetin Prokuple në Serbinë jugore. Ata u dërguan në qendrën stërvitore të policisë në Petrovo Selo dhe u mbajtën në një magazinë atje. Më pas u lidhën me tel nga persona të panjohur dhe u çuan në një gropë që shërbente për të hedhur plehrat, ku u ekzekutuan me plumba pas qafe më 9 korrik 1999.
Familja Bytyçi ka akuzuar Vuçiçin se ka shkelur vazhdimisht premtimet për të zgjidhur çështjen dhe ka refuzuar ta mbajë familjen të informuar në lidhje me hetimin. Ata u shprehen gjithashtu se Vuçiqi “ka paraqitur në mënyrë të rreme ‘prova të reja’ para diplomatëve të rëndësishëm”, e nuk ka ndërmarrë hapa të besueshëm për të inkurajuar dhe mbrojtur dëshmitarët.
Çështja ka vazhduar të jetë një problem i madh bilateral midis Serbisë dhe SHBA-ve. Para vizitës së Vuçiqit në Washington, ambasadori i amerikan në Beograd, Kyle Scott, u takua me prokuroren e re serbe të krimeve të luftës për të folur për çështjen.
“Ambasadori theksoi shqetësimin e SHBA-së për çështjen e mbetur të pazgjidhur”, tha më pas Ambasada e SHBA-së në një deklaratë.
“Çështja e zgjidhjes së vrasjeve të vëllezërve Bytyçi është një provë e gatishmërisë së Serbisë për të pranuar atë që ajo bëri në Kosovë”, tha Dushan Janjiq nga Forumi për Marrëdhënie Etnike. /Filip Rudiq/BIRN/
Lufta Prigozhin - Putin
Më shumëPahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
Sa realist është anëtarësimi i Kosovës në KiE?
Masakra në Mejë “Srebrenica e Kosovës” - thirrja më e fuqishme e Kosovës për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë