Rast shokues në Elbasan, babai bën seks në prani të fëmijës

Historitë shokuese duket se nuk kanë fund në Shqipëri. Një grua në Elbasan ka ngritur padi ndaj ish-burrit dhe gruas së tij se kanë kryer marrëdhënie seksuale në prani të djalit të tyre vetëm 6 vjeç.

Dy ditë më parë janë shoqëruar dhe ndaluar në komisariatin e policisë deri në një vendim tjetër burrë e grua.

Shtetasi Besnik S., 39 vjeç dhe bashkëshortja e tij 41 vjeçare, me inicialet O.S., u izoluan në rajonin e policisë, pas denoncimit të bërë nga gruaja e parë e burrit.

“Panorama” shkruan se ish bashkëshortja, e divorcuar pak vite më parë me burrin nga Elbasani, e paditi atë dhe gruan e re të tij, duke i akuzuar se kishin kryer marrëdhënie seksuale në prezencë të fëmijës.

Burimet zyrtare të policisë e bënë të njohur këtë fakt, duke ngritur ndaj çiftit akuza të rënda.

“Më datë 17.08.2016, u ndaluan shtetasit B.S. dhe O.S, vjeç 39 e 41, banues në Elbasan, pasi më datë 07.08.2016 ka bërë kallëzim një shtetase banuese në Tiranë, se ish bashkëshorti, shtetasi B.S., ka kryer marrëdhënie seksuale me bashkëshorten O.S., në prani të fëmijës së mitur.

Materialet i kaluan Prokurorisë së Rrethit Gjyqësor Elbasan. Nenet 100/1, 108/2/ 3 dhe 25 të Kodit Penal”, thuhet në njoftimin e Policisë së Shtetit për këtë rast.

Grupi hetimor që ka marrë në dorëzim padinë, pret të sqarojë më tej këtë ngjarje. Sipas drejtuesve të policisë, do të merret në pyetje vetë fëmija, por kjo do të realizohet vetëm në prani të psikologut. /albeu.com/