Marcus Rashford i ka bllokuar bisedimet për kontratën e re me Manchester Unitedin, pasi është i frikësuar se klubi nuk po shkon në drejtimin e duhur nën menaxhimin e Ole Gunnar Solskjaer.

Sulmuesi i Djajve të Kuq ishte afër vazhdimit të kontratës, por tani bisedimet kanë ngecur dhe është duke kërkuar më shumë siguri nga klubi se në sezonin e ri mund të luftojnë për trofe të mëdhenj.

Siç raporton The Sun, Rashford e ka njoftuar klubin se nuk dëshiron t’i vazhdojë bisedimet për kontratën e re, derisa situata me Solskjaer të qartësohet dhe t’i shikojë transferimet që do të ndodhin në verë.

Ole Gunnar Solskjaer (Foto: Stu Forster/Getty Images/Guliver)

21-vjeçari dëshiron të luajë në Ligën e Kampionëve, mirëpo skuadra angleze përfundoi në pozitën e gjashtë në këtë sezon, ashtu që do të luajë në Ligën e Evropës në edicionin e ri.

Të gjitha lajmet nga Marcus Rashford Të gjitha lajmet nga Marcus Rashford

Po ashtu, Rashford dëshiron të sigurohet edhe për lojtarët që do të qëndrojnë në skuadër, si David de Gea dhe Paul Pogba, e nëse ndodh e kundërta, ai do ta kërkojë largimin qysh në këtë verë. /Telegrafi/