Rashford është ‘i befasuar’ nga dëshira e Ronaldos për ta ndihmuar atë të përmirësohet

Cristiano Ronaldo i ka dhënë Marcus Rashford kritika konstruktive për pozicionimin e tij në fushë, sipas raportimeve nga mediat angleze.

Portugezi ka bërë vetëm një start në Ligën Premier këtë sezon dhe nuk ka arritur të shënojë ende në ligë. Si rezultat, anglezi është zgjedhur përpara tij.

Rashford thuhet se është ‘i befasuar’ nga gatishmëria e Ronaldos për ta ndihmuar atë të përmirësohet pasi ai zuri vendin e 37-vjeçarit në 11-tën e parë të Erik ten Hag.

Këshillat stërvitore të Ronaldos thuhet se janë ‘të vërteta’ dhe 37-vjeçari thuhet se dëshiron të ndihmojë Rashfordin të ‘përmirësohet’ dhe ‘të ketë sukses’.

Një burim i tha The Sun: “Ronaldo ka shkaktuar rrëmujë në dhomën e zhveshjes dhe disa nga lojtarët kanë qenë të frustruar për faktin se ai humbi para-sezonin dhe ka qenë i mërzitur rreth Carrington”.

“Por, që nga mbyllja e afatit të transferimeve, qëndrimi i tij është përmirësuar dhe ai ka qenë shumë i dobishëm për Marcus”.

“Ai ka kaluar kohë me të, duke folur për lojën dhe duke dhënë kritikat e tij konstruktive për pozicionimin në fushë”.

“Marcus ka qenë pak i befasuar nga kjo, sepse është gjithmonë e vështirë kur luan dhe një shoku i skuadrës jo dhe të dy po luftoni për të njëjtin pozicion”.

“Por, marrëdhënia mes dyshes nuk ka qenë kurrë më e mirë dhe Marcus e di se mund të mësojë shumë prej tij”.

“Ai është mirënjohës për këshillat dhe për faktin që Ronaldo duket i sinqertë në atë që dëshiron që Marcus të përmirësohet dhe të ketë sukses”, thotë ky burim më tej.

Rashford e ka vendosur veten si zgjedhja e parë e Ten Hag në front, pasi shënoi tre gola dhe regjistroi dy asistime në gjashtë ndeshje.

Ndërkohë, Ronaldo – i cili shënoi 24 gola sezonin e kaluar – nuk ka arritur të shënojë një gol në Ligën Premier këtë sezon.

Goli i tij i parë i sezonit erdhi nga penalltia gjatë ndeshjes së United në Ligën e Evropës me Sheriff Tiraspol javën e kaluar. /Telegrafi/