Radev: Propozimi francez mund të kishte qenë shumë më i suksesshëm

I ashtuquajturi “Propozimi francez” përmban shumë kërkesa madhore bullgare, por në përgjithësi mund të kishte qenë shumë më i suksesshëm, duke përfshirë edhe protokollin bullgaro-maqedonas, nëse politikanët tanë do t’i kishin kushtuar shumë më tepër vëmendje gjithë këtij procesi;

“Nëse diplomatët e Ministrisë së Punëve të Jashtme nuk do të mbështeteshin vetëm në institucionin presidencial dhe nuk do të humbnin shumë kohë dhe energji duke u përpjekur që politikat e ndryshme të kryeministrit të vinin në një kornizë të pranueshme”.

Kështu deklaroi presidenti i Bullgarisë, Rumen Radev në deklaratën e tij të parë publike për dy ngjarjet kryesore politike të së dielës, rrëzimin e qeverisë me votë mosbesimi dhe vendimin e Kuvendit bullgar për heqjen e vetos për fillim bisedimeve për anëtarësim e Republikës së Maqedonisë së Veriut në BE.

Ai fjalimin e mbajti në bazën ajrore “Graf Ignatievo” afër Plovdivit, ku është mysafir në festimet me rastin e 110 vjetorit të fluturimit të parë luftarak të Forcave Ajrore Bullgare./Telegrafi/