Radamel Falcao e ka nisur mirë aventurën te Galatasaray, ku e shënoi golin e fitores për 1-0 ndaj Kasimpasas, duke ia dhuruar tri pikë të rëndësishme ekipit të tij.

Falcao shënoi gol pas 38 minutash debutim, duke i dhënë fitoren e dytë “luanëve” në këtë edicion pas katër xhiros.

Gjithsesi në minutën 84’, sulmuesi kolumbian pati një tjetër shans të artë, ku nuk arriti të shënojë.

Tashmë kanë filluar krahasimet mes Falcoas dhe sulmuesit shqiptar të Fenerbaces, Vedat Muriqit.

Madje një tifoz turk, ka kërkuar që të mos e krahsojnë shqiptarin me kolumbianin, pasi lojtari ynë qëndron më lartë.

“Për muaj me radhë është bërë krahasimi i Falcao me Vedat Muriqin. Seriozisht ka qenë një gabim”, ka shkruar ai.

Muriqi i ka shënuar dy gola në tri ndeshje për Fenerbahcen. /Telegrafi/