0Shares

R Kelly dhe shtëpia botuese RCA e Sony kanë ndërprerë bashkëpunimin, raporton BBC.

Media të ndryshme citonin burime duke thënë se kishte pasur një prishje të bashkëpunimit pas një marrëveshje mes të dy palëve, por që asnjë njoftim zyrtar nuk do të bëhet.

Zbulimi erdhi pas një dekade akuzash për sulme seksuale kundër fituesit të Grammyt.

View this post on Instagram

Young Kellz #FBF

A post shared by R Kelly (@rkelly) on Aug 31, 2018 at 6:19pm PDT

Akuzat ishin temë e një dokumentari të quajtur “Surviving R Kelly”, i cili është shfaqur javë më parë në ekranet televizive.

Bëhet fjalë për një dokumentar prej gjashtë pjesësh që fokusohet tek gratë që e kanë akuzuar këngëtarin amerikan për abuzimin seksual gjatë viteve të fundit.

Gjithashtu, dokumentari sjell një histori rreth marrëdhënies midis R Kelly dhe këngëtares së vdekur Aaliyah, e cila u martua me të kur ishte vetëm 15-vjeçare dhe këngëtari ishte 27 vjeç.

Vajza e R Kellyt del kundër këngëtarit: Babai im është një përbindësh, lutem për të gjitha viktimat që kanë vuajtur nga ai Vajza e R Kellyt del kundër këngëtarit: Babai im është një përbindësh, lutem për të gjitha viktimat që kanë vuajtur nga ai

Pavarësisht se ishte një nga këngëtarët më të suksesshëm në histori të R&B, Kelly përballet me akuza për abuzim seksual që nga viti 1990.

Në vitin 2008, 52-vjeçari u akuzua për seks me një të mitur, por u lirua më pas. Vitin e kaluar, R Kelly publikoi një këngë të quajtur “I Admit”, e cila zgjati 19 minuta dhe iu përgjigj të gjitha akuzave.

Ai gjithashtu pranoi shkeljen e kurorës në këngë, por mohoi akuzat e pedofilisë dhe seksit pa pëlqimin. /Telegrafi/

Të Ngjajshme
Shfaq Komentet (0)