Putinit po i mungon personeli ushtarak, me dekret hoqi kufirin e moshës për t’ju bashkuar ushtrisë ruse

Presidenti rus Vladimir Putin nënshkroi një dekret që heq kufirin e moshës, për ata që duan të lidhin kontratën e parë të shërbimit në forcat e armatosura.

Putin ka nënshkruar tashmë ligjin që lejon burrat të regjistrohen në forcat e armatosura, për shërbimin profesional deri në moshën 65-vjeç, transmeton Telegrafi.

Deri më tani, rusët që hynin në ushtri duhet të ishin më të rinj se 40 vjeç, ndërsa të huajt duhet të ishin më pak se 30 vjeç.

Sot, Putini nënshkroi dekretin që lejon shërbimin ushtarak për rusët që kanë shtetësi të dyfishtë, si dhe ata që jetojnë në vende të tjera.

Dekreti specifikon se nuk mund të lidhet një kontratë ushtarake me një të huaj që ka qenë i dënuar më parë ose është nën hetim.

E tani personat që nuk kanë shtetësi ruse, mund t’i bashkohen ushtrisë ruse. E ata që kishin shtetësi të dyfishtë, deri më tani nuk kanë mundur të shërbejnë në ushtri në Federatën Ruse, por të huajt po, pas nënshkrimit të një kontrate. /Telegrafi/