Presidenti rus, Vladimir Putin, në një intervistë me gazetarin amerikan, Tucker Carlson, tha se Moska duhej të mbronte Serbinë gjatë luftërave të viteve 1990.
Megjithatë e vërteta është krejt ndryshe. Rusia më pas vendosi sanksione ndaj Serbisë, ashtu si vendet perëndimore, por armatosi edhe Kroacinë, shkruan nova.rs.
“Sapo filluan ngjarjet në Jugosllavi, Boris Jelcin (presidenti i ndjerë rus) ngriti zërin në mbështetje të serbëve; ne nuk mund të mos i mbronim serbët, sepse serbët janë një popull i veçantë dhe i afërt për ne, me kulturë ortodokse. Ky është një popull që ka vuajtur me breza të tërë”, tha udhëheqësi rus në një intervistë me Tucker Carlson, duke deklaruar se NATO e preu në besë Rusinë pasi kishte premtuar se nuk do të shtrihet në lindje, e cila është në qendër të konfliktit aktual me Ukrainën.
Si gënjeu Putini
Mjafton një rishikim i shkurtër i së kaluarës për të vërtetuar se presidenti i Rusisë nuk po thotë të vërtetën kur flet për “mbështetjen” që Rusia i dha Serbisë gjatë luftërave të viteve 1990.
Jo vetëm që mungonte kjo mbështetje, por Moska vendosi edhe sanksione ndaj shtetit serb në vitin 1992, kujton më tutje mediumi serb.
Pastaj Këshilli i Sigurimit i OKB-së miratoi tri rezoluta, të cilat ndalonin importin e mallrave nga Republika Federale e Jugosllavisë, por edhe eksportin nga RFJ. Rusia, si anëtare e përhershme e Këshillit të Sigurimit, kishte të drejtën e vetos, por nuk e shfrytëzoi atë, përkundrazi mbështeti sanksionet ndaj Serbisë.
Tashmë dihet se në fillim të viteve nëntëdhjetë, Federata Ruse ishte gjithashtu aleate ushtarake e Kroacisë. Më saktësisht, gjatë embargos së armëve, Rusia armatoste Kroacinë.
Nikola Luniq, drejtor ekzekutiv i Këshillit për Politika Strategjike, në një tekst autorial për të përjavshmen “Vreme” deklaroi se Zagrebi mori sistemin kundërajror S-300 nga Rusia, i cili u shfaq edhe në paradën ushtarake në Zagreb në vitin 1995. Por, përveç këtij sistemi, Rusia u ofroi kroatëve gjithçka përveç raketave balistike bërthamore.
“Kështu, në atë kohë nga Rusia apo me ndërmjetësimin e saj, Kroacia mori edhe 18 helikopterë transportues Mi-17, 12 helikopterë luftarakë Mi-24 të njohur si “Karroca e Djallit”, 40 aeroplanë luftarakë/përgjues MiG-21. Gjithashtu edhe një seri të armëve dhe pajisjeve ushtarake të sofistikuara (OJQ) si sistemet antitank Fagot, raketat antitank Sturm, raketat kundërajrore R-60 dhe raketat S-5”, ka pohuar Luniq.
Rusia e nderoi Tugjmanin
Gjatë luftës së fundit, Rusia armatosi Kroacinë dhe jo Serbinë. Këtë e konfirmoi Marin Tomuliq për “Veçernji list” të Zagrebit, të cilin gazeta e prezantoi si “pranuesin e armatimit”.
“Rusët na furnizuan me armë me kërkesë të Francës. Unë jam dëshmitar i kësaj”, tha Tomuliq.
Interesant është edhe fakti se në nëntor të vitit 1996, presidenti i atëhershëm rus, Boris Jelcin, e ka dekoruar Franjo Tugjmanin me “Medaljen e Zhukovit” “për kontributin aktiv në fitoren ndaj fashizmit”.
Gjithashtu, Vladimir Putin e ka shpërblyer Stjepan Mesiqin në vitin 2005 për kontributin që populli kroat dhe Kroacia si vend dhanë në fitoren përfundimtare ndaj fashizmit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“E pabesueshme, qesharake, absurde…”, reagimet ndaj deklaratës së Borrellit, se mezi pret të punojë me qeverinë e re të Serbisë
Izraeli godet ndërtesën e përdorur nga Hezbollahu në Liban
Kinezja që i telefononte të dashurit deri në 100 herë në ditë diagnostikohet me një sëmundje të padëgjuar më parë
Digjet një fabrikë teknologjike në Berlin - ajo prodhon një armë të fuqishme të mbrojtjes ajrore, kishte furnizuar edhe Ukrainën
Amerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Komandanti i Azov kritikoi Zelenskyn: Ne nuk kemi qasje në armët perëndimore, po e mbrojmë vendin me gjak
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Biden i quan "ksenofobike" Indinë dhe Japoninë
Ushtria ukrainase njofton se nuk ka trupa ruse në Chasiv Yar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe