Putin nuk dëshiron një takim me Zelenskyn, Kremlini thotë se ‘nuk janë pjekur kushtet’ për diçka të tillë

Kremlini ka thënë të hënën se bisedimet e paqes midis Rusisë dhe Ukrainës nuk kishin bërë ende ndonjë përparim të rëndësishëm.

Madje, Moska ka akuzuar Kievin për ngecje të bisedimeve të paqes duke i bërë propozimet të papranueshme për Rusinë, përcjell Telegrafi.

Në anën tjetër, Ukraina ka thënë se është e gatshme të negociojë, por nuk do të dorëzohet apo pranojë ultimatumet ruse.

Lexo po ashtu Pamje të tjera që tregojnë se rrugët e Kherson ngjanin me një 'fushëbetejë' kur trupat ruse hapën zjarr ndaj protestuesve ukrainas – ku mbetën disa të plagosur

Duke folur me gazetarët, zëdhënësi i Kremlinit, Dmitry Peskov tha se duhet bërë ende përparim i rëndësishëm në bisedimet që të kishte një bazë për një takim të mundshëm midis presidentit Vladimir Putin dhe homologut të tij ukrainas Volodymyr Zelensky, përcjell Telegrafi.

“Që të flasim për një takim mes dy presidentëve, duhet të bëhen detyrat e shtëpisë. Bisedimet duhet të zhvillohen dhe duhet të ketë rezultate”, tha Peskov. “(Por) Nuk ka pasur asnjë përparim të rëndësishëm deri më tani”.

Lexo po ashtu Ata morën qytetin, pastaj shtëpitë e tyre – rrëfimi i ukrainasve 'që panë dhe filmuan çdo hap' se si rusët gjendeshin çdo ditë e më afër apartamenteve të tyre

Peskov përsëriti gjithashtu pretendimet se Rusia po tregonte më shumë vullnet sesa negociatorët ukrainas për të punuar drejt një marrëveshjeje në bisedime.

“Ato (vendet) që munden, duhet të përdorin ndikimin e tyre mbi Kievin për ta bërë atë më të përshtatshëm dhe konstruktiv në këto bisedime”, ka thënë më tej ai. /Telegrafi/