Publikohen pamje nga xhirimet e filmit për Amy Winehouse, aktorja i ngjan shumë

Janë publikuar fotografitë e para nga xhirimet e filmit biografik për këngëtaren Amy Winehouse, “Back to Black”.

Aktorja britanike, Marisa Abela, është transformuar në artisten e ndjerë gjatë xhirimeve të filmit të shumëpritur biografik.

Ndërsa xhirimet filluan në Soho të Londrës të hënën, Marisa shfaqet pranë aktorit Eddie Marsan, i cili luan babanë e Amy, Mitch, teksa filmonin skena jashtë klubit të famshëm të xhazit, “Ronnie Scott’s”, ku këngëtarja performoi në fillim të karrierës së saj.

(Foto: Splash News/Just Jared)

Marisa kishte veshur një xhaketë lëkure të zezë dhe fustan të shkurtë për skenat, duke mbajtur një çantë lëkure dhe modelin e flokëve të Amyt dhe një palë vathë ari. Aktorja dukej shumë e ngjashme me këngëtaren e ndjerë tragjikisht, e cila vdiq në moshën 27 vjeçare nga intoksikimi me alkool në vitin 2011.

One of music’s greatest artists, Amy Winehouse, comes to the big screen in Sam Taylor-Johnson’s Back to Black. With cameras rolling from next week, we’re thrilled to release this first look at rising star Marisa Abela as Amy. pic.twitter.com/owZGXwOWP3

— StudiocanalUK (@StudiocanalUK) January 13, 2023

“Back to Black” që i ka nisur xhirimet këtë muaj, është drejtuar nga Sam Taylor-Johnson, i njohur më së miri për filmat “50 Shades of Grey” dhe “Nowhere Boy”. Filmi ndjek jetën e Winehouse në Londër dhe udhëtimin e saj intensiv drejt famës. /Telegrafi/

(Foto: Splash News/Just Jared)

(Foto: Splash News/Just Jared)