Protesta e paralajmëruar në Graçanicë, Policia njofton për rrugën e bllokuar dhe rekomandon ato alternative

Policia e Kosovës ka njoftuar rreth një proteste të paralajmëruar në Graçanicë, gjersa për shkak të bllokimit të përkohshëm ka rekomanduar rrugë alternative.

Në njoftim bëhet e ditur se protesta është paralajmëruar në mesditë.

“Policia e Kosovës, me qëllim të mbarëvajtjes së një proteste të paralajmëruar, që do të mbahet sot në Graçanicë, duke filluar nga ora 11:30 e deri në përfundim të protestës, do të ridrejtoj trafikun për automjetet që udhëtojnë nga Prishtina në Gjilan dhe anasjelltas, pasi që rruga kryesore në Graçanicë do të ketë ndërprerje (bllokim) të përkohshëm të qarkullimit të trafikut, deri në përfundim të protestës.

Andaj për të përballuar sa më lehtë rrethanat që do të paraqiten në qarkullimin rrugor, kërkojmë ndihmën, besimin dhe mirëkuptimin e gjithë qytetarëve duke ju kërkuar që gjatë kësaj periudhe të shfrytëzojnë rrugët alternative”, thuhet në njoftim. /Telegrafi/