LAJMI I FUNDIT:

Projektligji për KPM-në, Ramadani: Nuk është më i miri i mundshëm – Qeveria Kurti nuk po tenton t’i kap mediat

Projektligji për KPM-në, Ramadani: Nuk është më i miri i mundshëm – Qeveria Kurti nuk po tenton t’i kap mediat

Seria e shtatë e “Përballje Podcast” ka shtjelluar çështjen e Projektligjit të ri për Komisionin e Pavaurur të Mediave (KPM), dhe shqetësimet që janë ngritur rreth këtij Projektligji.

Musafir në këtë seri të “Përballje Podcast” me kryeredaktorin Muhamet Hajrullahu, ishin Valon Ramadani, kryetar i Komisionit për Administratë Publike, Pushtet Lokal, Media dhe Zhvillim Rajonal si dhe Brikenda Rexhepi, kryeredaktore në portalin Koha.

Ramadani fillimisht falënderoi të gjithë ata që po kontribuojnë që të kemi një ligj për KPM-në. Ai përmendi edhe për dëgjimin e parë publik që është bërë për këtë Projektligj.


“Ne patëm dëgjimin e parë publik për këtë Projektligj ku organizatat ndërkombëtare, vendore, akterë të ndryshëm të mediave kanë shpreh mendimet , komentet, sugjerimet e kritikat e tyre mirëpo do të shohim në ditët në vazhdim sesi do të vazhdoj me dëgjimet tjera publike… Ne mendojmë se duhet të shkojmë në shtatë qendrat e mëdha të Kosovës ku do të përfshihen edhe komunat e vogla që të kenë mundësi edhe organizatat lokale dhe qytetarët të japin mendimet e tyre”, u shpreh Ramadani.

Valon Ramadani – Kryetari i Komisionit për Media në “Përballje Podcast” për KMP-në

Ramadani tutje tha se duhet ta kemi parasysh që Komisioni i Pavarur i Mediave ende punon me një ligj që është në fuqi prej vitit 2012 dhe këtij ligji i prin direktiva e BE-së që ka hyrë në fuqi në vitin 2010.

“Në 2018 kemi direktivë tjetër, në këtë vit po diskutohet tjetra direktivë dhe ne jemi mbrapa 6 vite”, tha Ramadani.

Ai u shpreh se Qeveria Kurti nuk po tenton t’i kap mediat siç është thënë në publik.

“Disa tema, disa kritika që kanë qenë pa argumente në kohët e fundit, ndoshta për shkak të një paragjykimi që ka qenë për Qeverinë Kurti, që Qeveria Kurti po tenton t’i kap mediat gjë që nuk qëndron. Jam i bindur dhe shumë i sigurt që qëllimi është fisnik dhe nuk ka të bëjë as kapja e mediave e as atyre online, e për televizionet dhe radiot s’po flasim se nuk janë të kapura ato sot monitorohen e licencohen prej të njëjtës KPM”, tha Ramadani.

Kryetari i Komisionit për Administratë Publike, Pushtet Lokal, Media dhe Zhvillim Rajonal, tutje u shpreh se Këshilli i Mediave të Shkruara të Kosovës (KMSHK) merret me mediat e shkruara më shumë jo për videot.

“Pra KMSHK nuk ka trajtim për videot që transmetohen në mediat online. Ne jemi dëshmitar të ndryshimeve të shpejta teknologjike. Sot shumica e lajmeve bëhen përmes videos. Ne jemi duke e rregulluar ligjin për KPM ku përfshihen kodi etik, informacioni. Ne jemi tu fol për përmbajtjet e videos që nuk e ka KMSHK”, u shpreh Ramadani.

Valon Ramadani – Kryetari i Komisionit për Media dhe Brikenda Rexhepi – Kryeredaktore në Koha në “Përballje Podcast” për KMP-në

Ramadani tutje shtoi se direktiva e BE i jep tri orientime ku kryesorja është që këtë çështje duhet ta rregulloj një organ shtetëror që në këtë rast është KPM-ja.

“Për mua çka është shumë me rëndësi është që edhe dje dhe në shtatë dëgjimet e ardhshme do ta dëgjoj secilin me vëmendje. Kur ky ligj ka ardh në Kuvend dhe ka pas reagime, tash nuk po dua t’i diskutoj me emrat cilat kanë qenë, por tendenca kështu me të kritiku pa argument, kjo më ka dhënë një shije jo të mirë, e ke pas ligjin, lexo e analizo shiko ku janë temat, e mos dezinformo edhe t’u të diskutuar për ligjin për KPMM-në”, deklaroi Ramadani në “Përballje Podcast”.

Projektligji për KPM-në, rrezik nga kontrolli politik apo çelës drejt rregullimit të mediave në Kosovë? Flasin Valon Ramadani e Brikenda Rexhepi
Lexo po ashtu Projektligji për KPM-në, rrezik nga kontrolli politik apo çelës drejt rregullimit të mediave në Kosovë? Flasin Valon Ramadani e Brikenda Rexhepi

Ramadani theksoi se për të ky Projektligj i përshtatet rrethanave të kohës.

“Për mua ky ligj i përshtatet rrethanave të kohës, nuk do të thotë që është më i miri i mundshëm. KPM kurrë s’ka qenë më i pavarur, më profesional në marrjen e vendimeve”, tha ai.

“Përballje Podcast” realizohet me mbështetjen e Institutit Kombëtar Demokratik (NDI) dhe Agjencisë së Shteteve të Bashkuara për Zhvillim Ndërkombëtar (USAID), në Kosovë. Opinionet e shfaqura në këtë podcast nuk pasqyrojnë domosdoshmërish pikëpamjet dhe qëndrimet e NDI dhe USAID. /Telegrafi/

Në trend Lajme

Më shumë
Aksion i Prokurorisë dhe Policisë në Prishtinë - bastisje në disa lokacione

Aksion i Prokurorisë dhe Policisë në Prishtinë - bastisje në disa lokacione

Lajme
Tërmet në orët e hershme të mëngjesit në Shqipëri, lëkundje të forta në disa qytete

Tërmet në orët e hershme të mëngjesit në Shqipëri, lëkundje të forta në disa qytete

Lajme
Këshilla se si të mbroheni gjatë shkarkimeve të rrufesë

Këshilla se si të mbroheni gjatë shkarkimeve të rrufesë

Lajme
Osmani takon Hovenierin: Heqja e vizave nga BE-ja për bartësit e pasaportave serbe, vendim negativ për Kosovën

Osmani takon Hovenierin: Heqja e vizave nga BE-ja për bartësit e pasaportave serbe, vendim negativ për Kosovën

Lajme
Tërmeti në Shqipëri, goditja e parë e fuqishme u shoqërua edhe nga dy lëkundje të tjera sizmike

Tërmeti në Shqipëri, goditja e parë e fuqishme u shoqërua edhe nga dy lëkundje të tjera sizmike

Lajme
Me aparatura të avancuara, hapet Spitali i Përgjithshëm “Rezonanca 2”

Me aparatura të avancuara, hapet Spitali i Përgjithshëm “Rezonanca 2”

Elfije Boletini
Kalo në kategori