LAJMI I FUNDIT:

Projektligji për KPM-në, rrezik nga kontrolli politik apo çelës drejt rregullimit të mediave në Kosovë? Flasin Valon Ramadani e Brikenda Rexhepi

Projektligji për KPM-në, rrezik nga kontrolli politik apo çelës drejt rregullimit të mediave në Kosovë? Flasin Valon Ramadani e Brikenda Rexhepi

Në serinë e shtatë në “Përballje Podcast” është diskutuar tema e Projektligjit për Komisionin e Pavarur të Mediave.

Pse ka shqetësime nga organizatat mediale e organizatat e shoqërisë civile vendore e ndërkombëtare?

Cilat janë komentet e rekomandimet e organizatave të shoqërisë civile, mediave e institucioneve ndërkombëtare?


A po tentohet të ‘kapen’ mediat online nga shteti, saktësisht nga KPM dhe cilat janë shqetësimet kryesore?

Pse ka hezitime për këtë Projektligji të ri për KPM-në? A ka tendencë nga pushtetit për t’i sulmuar dhe kontrolluar mediat online në vend?

Valon Ramadani, kryetar i Komisioni për Administratë Publike, Pushtet Lokal, Media dhe Zhvillim Rajonal dhe Brikenda Rexhepi, kryeredaktore nga media “Koha” kanë ndarë pikëpamjet e tyre.

Ramadani, deputet nga Lëvizja Vetëvendosje ka falënderuar të gjithë ata që po kontribuojnë që të ketë një ligj të ri për KPM-në.

Ai foli edhe për dëgjimin e parë publik që është mbajtur lidhur me këtë Projektligj.

“Ne patëm dëgjimin e parë publik për këtë Projektligj ku organizatat ndërkombëtare, vendore, akterë të ndryshëm të mediave kanë shpreh mendimet, komentet, sugjerimet e kritikat e tyre, mirëpo do të shohim në ditët në vazhdim sesi do të vazhdoj me dëgjimet tjera publike… Ne mendojmë se duhet të shkojmë në shtatë qendrat e mëdha të Kosovës ku do të përfshihen edhe komunat e vogla që të kenë mundësi edhe organizatat lokale dhe qytetarët të japin mendimet e tyre”, u shpreh Ramadani.

Valon Ramadani, kryetar i Komisionit për Media në “Përballje Podcast”, foto Ridvan Slivova.

Ramadani tutje tha se duhet kujtuar që Komisioni i Pavarur i Mediave ende punon me një ligj që është në fuqi prej vitit 2012 dhe këtij ligji i prin direktiva e BE-së që ka hyrë në fuqi në vitin 2010.

Në anën tjetër, kryeredaktorja e medias “Koha” theksoi se logjika e vetë – rregullimit është njëra nga shtyllat kryesore jo vetëm të demokracisë në një vend, por edhe të pjekurisë profesionale të një sektori, ku ai sektor e gjykon veten e vet, i pranon vendimet dhe kritikat.

“Unë mendoj që absolutisht jo vetëm pse KPM është kategori kushtetuese, mirëpo të gjithë jemi dëshmitar që ndikimi politik ka ekzistuar përherë sa herë që janë zgjedhur anëtarët e KPM-së. Nuk është diçka e re dhe mediat duhet me u bazu në vetë rregullim dhe këtu po flas për mediat online”, u shpreh Rexhepi në “Përballje Podcast”.

Ajo më tej deklaroi se Komisioni i Pavarur i Mediave është krijuar kur janë dhënë licencat për radiot dhe televizionet për shfrytëzim të frekuencave shtetërore.

Brikenda Rexhepi, kryredaktore e Koha në “Përballje Podcast”, foto: Ridvan Slivova

Duke diskutuar për shumë çështje që përfshihen në Projektligjin e KPM-së, e disa prej të cilave i rregullon KMShK-ja, Rexhepi shtoi se “KMShK ka evoluar, fillimisht ka qenë një organ që është marrë vetëm me gazetat mandej kanë filluar portalet, agjencitë kanë evoluuar në bazë të nevojave të sektorit, tash kemi mbërri në një trup vet-rregullues që merret vetëm me portale”.

Rexhepi e Ramadani gjatë diskutimit në “Përballje Podcast” me kryredaktorin e Telegrafi.com, Muhamet Hajrullahu.

Në këtë seri të podcastave janë diskutuar tema për dezinformimin, keqinformimin, edukimin medial dhe qëndrueshmërinë e mediave.

“Përballje Podcast” realizohet me mbështetjen e Institutit Kombëtar Demokratik (NDI) dhe Agjencisë së Shteteve të Bashkuara për Zhvillim Ndërkombëtar (USAID), në Kosovë. Opinionet e shfaqura në këtë podcast nuk pasqyrojnë domosdoshmërish pikëpamjet dhe qëndrimet e NDI dhe USAID. /Telegrafi/

Në trend Lajme

Më shumë
Digjen dy vetura në lagjen

Digjen dy vetura në lagjen "Marigona Rezidencë"

Kronika e Zezë
Drogë, armë, vetura dhe para - policia jep detaje nga aksioni kundër fajdes në Prishtinë ku u arrestuan katër persona

Drogë, armë, vetura dhe para - policia jep detaje nga aksioni kundër fajdes në Prishtinë ku u arrestuan katër persona

Lajme
Arrestimi i Nazmi Mulakut, prokuroria kërkon sërish nga qytetarët të ofrojnë dëshmi

Arrestimi i Nazmi Mulakut, prokuroria kërkon sërish nga qytetarët të ofrojnë dëshmi

Lajme
Çka tha Artan Hajrizi për vëllain e arratisur nga burgu, rasti i vrasjes së policit në Serbi dhe deklaratat

Çka tha Artan Hajrizi për vëllain e arratisur nga burgu, rasti i vrasjes së policit në Serbi dhe deklaratat

Lajme
​Mbi 1 mijë raste të reja me kancer në Kosovë vetëm brenda gjashtë muajve

​Mbi 1 mijë raste të reja me kancer në Kosovë vetëm brenda gjashtë muajve

Shëndetësi
Aksion kundër

Aksion kundër "Fajdes", arrestohen katër persona në Prishtinë

Lajme
Kalo në kategori