Ylli i Bollywood-it, Priyanka Chopra ka folur për herë të parë rreth spekulimeve për martesën e saj me muzikantin, Nick Jonas.

Çifti i famshëm u martuan në dhjetor të vitit 2018 në ceremoni ekstravagante të krishtera dhe hindu.

Sidoqoftë, në nëntorin e vitit të kaluar, filluan të qarkullojnë thashethemet se martesa e tyre trevjeçare ishte në krizë kur aktorja 39-vjeçare përditësoi emrin e saj në rrjetet sociale nga Priyanka Chopra Jonas në Priyanka Chopra.

Në kopertinën e shkurtit të revistës “Vanity Fair”, Chopra diskutoi se si kontrolli i vazhdueshëm i mediave sociale ka ndryshuar mënyrën se si ajo e drejton karrierën dhe jetën e saj personale.

Reklama

“Është një ndjenjë shumë e pambrojtur, në fakt, që nëse postoj një foto, gjithçka që është pas meje në atë foto do të zmadhohet dhe njerëzit do të spekulojnë”, tha ylli i “Matrix Resurrections”.

Reklama

“Është thjesht një rrezik profesional… Për shkak të zhurmës së mediave sociale, për shkak të përhapjes që ka në jetën tonë, mendoj se duket shumë më e madhe se sa është. Mendoj se i japim shumë më tepër besim në jetën reale dhe nuk mendoj se ka nevojë për këtë”.

Ish-Miss World, e cila u prezantua para audiencës amerikane si rekrutuesja e FBI-së, Alex Parrish në serialin ABC “Quantico”, vazhdoi të zbulojë se ajo është bërë më e ruajtur dhe “introverte” sepse të qenit në qendër të vëmendjes “të merr një pjesë të shpirtit”, shkruan CNN.

Reklama

Foto: Getty Images

“Vazhdimisht duke u përpjekur të siguroheni që të thoni gjënë e duhur, të bëni gjënë e duhur, të visheni siç duhet, të mos bëni gabim, të mos udhëtoni sepse e gjithë bota do të shikojë”, shpjegoi ajo.

Reklama

Bashkëshorti muzikant i Chopra, i cili është pjesë e grupit pop “Jonas Brothers”, tha gjatë intervistës se dyshja kanë krijuar “kufij” për të siguruar një nivel privatësie dhe “të krijojmë atë strehë të vogël të sigurt për veten me miqtë dhe familjen tonë”.

Duke bërë plane, Chopra tha se të kenë një fëmijë së bashku është një dëshirë e madhe për të ardhmen dhe se pavarësisht nga oraret e tyre të ngjeshur, ata nuk janë shumë të zënë për të bërë një fëmijë. /Telegrafi/

Reklama