Ende nuk ka informacione se kur Qeveria do të vendosë, se cilin nga kandidatët do ta propozojë për prokuror publik. Dje Këshilli i Prokurorëve Publik përfundoi shqyrtimin e aplikacioneve të 23 kandidatëve që duan të ulen në karrigen e zbrazët të Marko Zvërlevskit, dhe e kanë dërguar deri në Qeveri mendimin për secilin prej tyre.

Pasi qeveria të vendosë për njërin nga kandidatët, ajo duhet të dërgojë një propozim në Kuvend, ku Prokurori Publik zgjidhet me shumicë të thjeshtë.

Edhe sot nga Qeveria për Alsat M deklaruan se: “Qeveria do ti shqyrtojë propozimet në mbledhje, dhe ajo nuk është përcaktuar ende se kur do të ndodhë”./Telegrafi/