Prishtina nuk ka arritur të marr më shumë se një barazim 1-1 në udhëtimin e tyre në Gjibraltar tek skuadra Europa FC në ndeshjen e vlefshme për para-kualifikimet për Ligën e Evropës.  

Pjesa e parë e takimit ishte thuajse e barabartë nga të dyja skuadrat, por ishin vetëm ekipi nga Gjibraltari arriti të gjej rrugën e rrjetës.

Luhej minuta e fundit e pjesës së parë kur Prishtina u ndëshkua nga një penallti e shkaktuar nga Armend Dallku.

Ishte sulmuesi  Enrique Carreno, i cili ishte i saktë nga pika e bardhë për 1-0 dhe dërgoi ekipin e tij në pushim me epërsi.

Në pjesën e dytë, Prishtina ishte krejtësisht tjetër skuadër duke arritur të rris nivelin e lojës dhe duke menaxhuar thuajse gjithë 45 minutat e dytë.

Në minutën e 50-të ishte ylli rahovecian, Meriton Korenica, i cili barazoi në 1-1 pas një supergol të shënuar një gjuajtja e lirë nga rreth 25 metra.

Deri në fund të takimit skuadra kosovare krijoi edhe disa raste tjera të mira për gol, por pa arritur të gjejnë rrugën e rrjetës dhe në fund u desh të kënaqen me barazim 1-1.

Ky barazim është shumë i vlefshëm për ekipin më të trofeshëm kosovar pasi me 5 korrik zhvillon ndeshjen kthyese në Stadiumin Adem Jashari në Mitrovicë. /Telegrafi/