LAJMI I FUNDIT:

Prezenca e shtuar e ushtarëve amerikanë në veri, KFOR: Po marrim masa për të reaguar me shpejtësi ndaj çdo sfide

Prezenca e shtuar e ushtarëve amerikanë në veri, KFOR: Po marrim masa për të reaguar me shpejtësi ndaj çdo sfide
Foto: Rel

Gjatë ditës së shtunë në veri të vendit është parë prezencë e shtuar e ushtarëve amerikanë të KFOR-it, që shërbejnë në Kosovë.

Nga Zyra për Media e KFOR-it në një përgjigje me shkrim për Telegrafin, kanë deklaruar se kanë ndërmarrë disa masa për të reaguar me shpejtësi ndaj çdo sfide të sigurisë.

Në përgjigjen e tyre thuhet se “për të rritur vetëdijen tonë për situatën, Komanda Rajonale e KFOR-it në Lindje ka rritur praninë e saj në afërsi të pikave të kalimit Jarinjë dhe Bërnjak, ka krijuar disa pika të kontrollit të trafikut dhe gjithashtu ka rritur aktivitetin e saj patrullues në këtë zonë së bashku me MSU-në e Karabinierëve (Njësia e Specializuar Shumëkombëshe) dhe EULEX-in”.

Prezencë e shtuar e ushtarëve amerikanë të KFOR-it në veri
Lexo po ashtu Prezencë e shtuar e ushtarëve amerikanë të KFOR-it në veri

“Mandati i misionit të KFOR-it të udhëhequr nga NATO, bazuar në Rezolutën 1244 të Këshillit të Sigurimit të OKB-së të vitit 1999, është të sigurojë një mjedis të sigurt dhe lirinë e lëvizjes për të gjithë njerëzit në Kosovë. Për të përmbushur detyrat e veta, KFOR-i mban një qëndrim të dukshëm dhe të shkathët në terren”.

Në fund, KFOR-i u ka bërë thirrje të gjithëve që të shmangin veprimet e njëanshme dhe të përmbahen nga dhuna.

“Ne dëshirojmë t’i sigurojmë të gjithë që KFOR-i është i gatshëm të ndërhyjë nëse është e nevojshme për të ruajtur mjedisin e sigurt dhe lirinë e lëvizjes!”.

Rritjen e prezencës së trupave në këtë zonë e kishte konfirmuar edhe shefi i NATO-s, Jens Stoltenberg, më herët gjatë kësaj jave.

Në veri të Kosovës më 31 korrik dhe 1 gusht u rritën tensionet, pasi serbët lokalë ngritën barrikada për të kundërshtuar dy vendime të Qeverisë së Kosovës: atë për targat dhe dokumentet serbe.

Barrikadat u hoqën, por NATO ka përsëritur se KFOR-i është i gatshëm të ndërhyjë, nëse rrezikohet stabiliteti. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori