Ekziston rëndom një ‘mit’ se prezantueset preferojnë futbollistët, kjo thjesht sepse prezantueset në shumicën e rasteve janë edhe vajzat më simpatike dhe më të kuruara të showbizit, ndërsa futbollistët kanë trupa të palestruar dhe janë fiks për fotografi kopertinash!

Mirë po, nëse bëjmë një analizë pak më të thellë ky mit; ose ka rënë, ose nuk ka ekzistuar pasi ka shumë prej vajzave prezantuese të showbiz-it shqiptar të cilat kanë zgjedhur muzikantët dhe kanë qenë këta të fundit që kanë bërë ‘gol’ duke pasur në krahë bukuroshet prezantuese, shkruan Blitz.

Luana Vjollca me Adrian Gaxha

Fillimisht akullin e ka thyer Luana Vjollca me Adrian Gaxhën disa vite më parë. Lidhja e tyre u përfol shumë, ndonëse ndjekësit e tyre dëshironin t’i shikonin gjithmonë bashkë, historia e tyre përfundoi dhe ata tashmë kanë lidhjet e tyre të tjera.

Amarda Toska dhe Ermal Mamaqi

Ami dhe Ermali janë një tjetër shembull disi i vjetër tashmë sepse u bënë shumë vite që dyshja simpatike shihen tërë kohës bashkë. Ata e kanë edhe “produktin” e tyre të artit, që quhet Joel ndaj kjo histori mes një prezantuese dhe një muzikanti nuk mund të ishte më e bukur se kaq.

Marina Vjollcës dhe Getoar Selimi

Një rast shumë i freskët që po përfundon madje në martesë, është ajo mes Marina Vjollcës dhe Getoarit të cilët jo vetëm shprehin publikisht ndjenjat e tyre por madje tregojnë se ata funksionojnë shumë si çift. Marina prezantuesja e ëmbël dhe simpatike e Getoari me natyrën e tij shumë ‘rep’, janë shumë të lezetshëm bashkë.

Elita Rudi dhe Gjiko

Elita Rudi dhe Gjiko duket si një histori telenovele. Herë janë bashkë, herë nuk janë bashkë. Ka raste kur e pranojnë dhe ka raste të tjera kur nuk e pranojnë por tashmë nuk mund t’i shohim më të ngarë nga njeri tjetri edhe pse duket sikur pëlqejnë të ‘luajnë’ me ne ndjekësit e tyre.

Bora Zemani & Vin Veli dhe Xhesika Trola & Dj Aldon

Dy çifte të tjera shumë interesante që janë kombinime mes dy prezantueseve të reja dhe dy muzikanteve që në këtë rast janë ‘DJ’ janë çiftet: Bora Zemani dhe Vin Veli si dhe Xhesika Trola me Dj Aldon. Çifti i parë ka një histori dashurie mjaft të konsoliduar dhe fryt i kësaj dashurie është edhe djali i tyre Arbor, ndërkohë që Xhesika dhe Dj Aldo kanë disa vite bashkë por ende nuk e kanë zyrtarizuar lidhjen e tyre me fejesë apo martesë.