0Shares

Njëri nga sulmuesit më të talentuar argjentinas, Lautaro Martinez ka kompletuar transferimin te Interi.

I ardhur në Milano nga klubi i famshëm argjentinas Racing, Martinez është pritur mjaftë mirë.

Madje lojtari është prezantuar ditën e sotme nga klubi ku ka marrë edhe fanellën me numrin 10.

Ai ka thënë se në momentin që i shkoi oferta e Interit nuk është menduar dy herë për ta pranuar atë.

“Prej se kam mbërritur këtu gjithçka po shkon shumë mirë. Si shokët e skuadrës ashtu edhe tifozët më kanë pritur shumë mirë”.

“Për mua interesim kishin shprehur edhe disa skuadra tjera, por në momentin që erdhi oferta e Interit nuk jam menduar dy herë dhe vendosa ta pranoja menjëherë”, tha Martinez.

“Kam folur shumë me Militon dhe ai më ka treguar për emrin dhe rëndësinë e Interit”, tha Martinez.

20-vjeçari në fanellë do ta mbajë emrin Lautaro dhe jo mbiemrin Martinez.

Ai ka thënë se këtë vendim e mori pasi ka shumë lojtarë me mbiemrin Martinez ndërsa emri i tij Lautaro është i veçantë. /Telegrafi/

Të Ngjajshme
Shfaq Komentet (0)