Juventus dhe Salernitana kanë luajtur baras të dielën në mbrëma në Allianz Stadium 2-2.

Ka qenë një ndeshje me shumë polemika në fundin e ndeshjes, për faktin se Juventus shënoi golin e fitores, gol që pastaj u anulua nga VAR për pozitë jashtë loje.

Por pamjet e reja kanë treguar se Antonio Candreva i Salernitanas ishte më i avancuar se Bonucci dhe se goli ka mundur të pranohet.

Gjithsesi pas anulimit të golit pati një përplasje të madhe mes futbollistëve të të dyja skuadrave, ku u shpërndanë edhe disa kartonë të kuq.

Në mediat italiane qarkulluan lajme edhe për një ndeshje të riluar mes Juves e Salernitas, por një gjë e tillë nuk do të ndodhë.

Reklama

Gjithsesi presidenti i skuadrës mysafire, Danilo Lervolino nuk i frikësohet një ndeshje tjetër me Juventusin.

Reklama

“Gabimet e gjyqtarëve në ndeshjen me Juventusin? Nëse ata kanë dëshirë ta riluajnë ndeshjen atëherë për ne nuk ka asnjë problem. Nuk mendoj se episode të gjyqtarëve mund të fshijnë paraqitjen e skuadrës, ndoshta ishte një faull për ne në aksionin që Juventusi fitoi penalltinë”.

“Mund të them se ishte një ndeshje e mbushur me emocione dhe besoj se rezultati ishte i drejtë. Në fillim u trishtova, por më pas një pikë është mirë”.

“VAR është një instrument ende i ri dhe mund të përmirësohet, por ju siguroj se gjyqtarët nuk kishin asnjë qëllim negativ”.

Reklama

“Ndaj Juventusit më pëlqeu mentaliteti i skuadrës, nuk luajtëm si provincial. Salernitana është e fortë dhe dhuroi spektakël”, deklaroi numri një i skuadrës nga Salerno. /Telegrafi/

Reklama