Presidenti i PSG-së, Al-Khelaifi dëshiron yllin anglez Rashford: Ai është i shkëlqyer dhe do të jetë i lirë

Presidenti i PSG-së, Nasser Al-Khelaifi ka shprehur hapur interesimin e kampionit aktual francez për të sjellë yllin e ri anglez të Manchester United, Marcus Rashford, të cilit kontrata me klubin i skadon në fund të këtij sezoni.

Sulmuesi 25-vjeçar është aktualisht një nga lojtarët më të mirë të Gareth Southgate në Kupën e Botës, duke shënuar tre gola; një kundër Iranit dhe dy kundër Uellsit.

Ai e zhvilluar karrierën e tij në Man United, për të cilin shënoi më shumë se 100 gola, por nuk është i sigurt se do të vazhdojë kontratën me klubin nga “Old Trafford”.

“Ai është një tjetër lojtar që është i mrekullueshëm dhe falas. Të marrësh Rashfordin falas do të ishte fantastike, çdo klub do ta ndjekë atë. Sigurisht që nuk po e fshehim. Ne folëm më parë, por nuk ishte një kohë e mirë për të dyja palët. Ndoshta në verë, pse jo?”

“Nëse ai është një lojtar  i lirë, sigurisht që ne mund të flasim me të drejtpërdrejt, por ne nuk do të flasim me të tani. Le të fokusohet në Botëror dhe pas kësaj, në janar, nëse jemi të interesuar, do të flasim me të”, ka thënë Al-Khelaifi.

Në rast se Rashford e refuzon ofertën e Manchester United për një kontratë të re, klubet e tjera do të jenë në gjendje t’i dërgojnë oferta zyrtare nga 1 janari./Telegrafi/