Vazhdon të jetë aktive në Zvicër tema për shqiponjën e bërë nga Granit Xhaka e Xherdan Shaqiri.

Dy futbollistët tanë falë golave të shënuar gjunjëzuan serbët duke i dhënë tri pikët Zvicrës 2-1.

Xhaka dhe Shaqiri festuan me shqiponjë, ndërsa me ta u solidarizua edhe kapiteni i ekipit kombëtar të Zvicrës, Stephan Lichtsteiner.

FIFA ka hapur procedurë disiplinore për Granitin e Xherdanin, por tani së fundmi edhe për kapitenin Stephan Lichtsteiner që bëri gjithashtu shqiponjën me duar.

Kapiteni Lichtsteiner i del në mbrojtje Xhakës dhe Shaqirit: Ishte më shumë se futboll për ta, festimet me shqiponjë janë të drejta Kapiteni Lichtsteiner i del në mbrojtje Xhakës dhe Shaqirit: Ishte më shumë se futboll për ta, festimet me shqiponjë janë të drejta

E për gjestin e kapitenit ka folur edhe numri një i futbollit zviceran, Peter Gillieron.

Presidenti i Federatës së Futbollit të Zvicrës, ka thënë se kapiteni i tyre ka vepruar drejtë që u solidarizua me futbollistët shqiptarë.

“Lichtsteiner veproi shumë mirë. Ai dha një shenjë të rëndësishme edhe pse në mënyrë spontane”.

“Kapiteni ynë veproi absolutisht drejt që u solidarizua me Xhakën dhe Shaqirin”, deklaroi Gillieron.

Festimet e Xhakës dhe Shaqirit (Foto: Getty Images)

Krejt në fund presidenti i SFV ka thënë se beson fuqishëm në trajnerin dhe lojtarët e ekipit kombëtar të Zvicrës.

Zvicrës i duhet vetëm një pikë në ndeshjen e fundit në Grupin E për të kaluar në mesin e 16 Kombëtareve më të mira në Botë. /Telegrafi/