LAJMI I FUNDIT:

Prapaskenat e ndeshjes Bullgari – Kosovë: Alivanosja e nënkryetarit të FFK-së, njëmijë ‘Dardanë’ në Sofje, zënkë në sektorin VIP dhe festa e çmendur në zhveshtore

Prapaskenat e ndeshjes Bullgari – Kosovë: Alivanosja e nënkryetarit të FFK-së, njëmijë ‘Dardanë’ në Sofje, zënkë në sektorin VIP dhe festa e çmendur në zhveshtore
Festa e futbollistëve pas fitores historike (Foto: FFK-Kosova)

Kosova ka marr fitore të madhe ndaj Bullgarisë duke fituar në fund 3-2 me një gol të shënuar në kohën shtesë.

Përtej asaj që u pa në ekranet televizive, Telegrafi u sjell disa nga prapaskenat më interesante të kësaj ndeshje.

Tifozët e Kosovës që kishin pushtuar Sofjen, alivanosja e nënkryetarit të FFK-së, Predrag Jovic, një flamur serb që provokoi dhe festa e çmendur në zhveshtoret pas ndeshjes.

Por ajo që ishte befasuese ishte një zënkë që ndodhi në sektorin VIP.

Video motivuese e lojtarëve që munguan  

Para ndeshjes, lojtarët që munguan te Kosova shkaku i dëmtimve, si Herolind Shala, Valon Berisha, Hekuran Kryeziu e Arbër Zeneli kishin bërë nga një video motivuese për lojtarët. Ata u kërkuan që të luhet me zemër, gjë që e bën sonte.

Alivanoset nënkryetari i FFK-së, Predrag Jovic

Me tu futur në stadium nënkryetari i FFK-së, Predrag Jovic, është alivanosur duke i humbur ndjenjat dhe duke rënë në kokë. Ka qenë deputeti Bekim Haxhiu ai që ia ka dhënë ndihmën e parë. Ai është dërguar në spitalin e Sofjes për tretman të mëtutjeshëm.

Një mijë tifozë tanë në Sofje

Dardanët e kishin pushtuar kryeqytetin e Bullgarisë. Më autobus dhe vetura private shumë prej tyre kishin gjetur një biletë ndeshje. Ata edhe në qytet edhe në stadium bën atmosferë të zjarrtë.

Flamuri i Serbisë gjatë himnit të Kosovës

Kur intonohej himni i Kosovës, një tifoz bullgar nxori një flamur të Serbisë, por që e largoi menjëherë, duke mos rënë edhe aq në sy. Në përgjithësi situata ishte stabile mes tifozërive.

Tifozët tanë dëgjohen tërë kohën

Edhe pse në numër më të vogël në shumë raste dukej se kishte më shumë tifozë të Kosovës së sa bullgarë në stadium. Këngët e tyre shpesh dëgjoheshin më shumë se sa të vendasve. Jo më kotë lojtarët thanë se luajtëm si të ishim në Prishtinë.

Dedikimi për Arbër Zenelin

Kosova ka kaluar në epërsi ndaj Bullgarisë në Sofje me golin e Milot Rashicës. Një gol i bukur, i dyti i tij në dy ndeshjet e fundit.

Milot Rashica dhe shokët e ekipit golin ia dedikuan bashkëlojtarit të lënduar, Arbër Zenelit. Mesfushori u lëndua në ndeshjen e fundit ndaj Malit të Zi.

Super zëvendësimet

Bernard Challandes bëri tri zëvendësime dhe secili doli të jetë më i qëlluar se tjetri. Florent Hadërgjonaj, Anel Rashkaj dhe Elbasan Rashani zhvilluan ndeshje të madhe, duke ndihmuar në kthesën e madhe.

Goli i anuluar

Kosovës iu anulua një gol me Vedat Muriqin. Pas golit të shënuar filloi festa, por që nuk zgjati shumë, pasi anësor qoi lartë flamurin. Ishte pozitë jashtë loje milimetrike.

Vedat Muriqi (Foto: FFK-Kosova/Facebook)

Festa e madhe dhe e gjithë skuadra tek tifozët

Goli i fitores solli gëzim të paprëshkruar. Lojtarët e bankës së bashku me ata që ishin në fushë fluturuan në cepin që ishin tifozët. Festë e madhe e tyre.

Zënkë në fund të ndeshjes tek sektori VIP

Humbja nuk i kishte bërë mirë një tifozi bullgar që gjuajti me shishe në drejtim të disa tifozëve tanë që ishin në sektorin VIP. Për një moment ndodhi një zënkë e vogël, por që u mbyll shpejtë.

Kadri Veseli në zhveshtore

Pas ndeshjes lojtarët festuar gjatë në zhveshtore. Aty ishte futur edhe kryeparlamentari Kadri Veseli, i cili festoi me ta.

Më të ishte edhe mistri Kujtim Gashi. Pse jo disa poenë politikë në këtë festë sportive. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Bayern Munich po

Bayern Munich po "peshkon" te Chelsea, lojtari i gatshëm të largohet nga Stamford Bridge

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Nëse dështon afrimi i Xabi Alonsos, Bayern Munich ka një befasi për trajnerin e ri

Nëse dështon afrimi i Xabi Alonsos, Bayern Munich ka një befasi për trajnerin e ri

Bundesliga
Përballje tensionuese para duelit: Florian Marku dhe Chris Kongo me paralajmërime për njëri-tjetrin

Përballje tensionuese para duelit: Florian Marku dhe Chris Kongo me paralajmërime për njëri-tjetrin

Boks
Kalo në kategori