Porta vazhdon të jetë problemi kryesor te Përfaqësuesja e Kosovës, pasi Samir Ujkani prej kohësh nuk mbron fare te Torino, derisa Aro Muric vetëm këtë vit ka filluar të mbrojë rregullisht pas transferimit te Willem II.

Reklama

Portieri i tretë, Visar Bekaj është pjesë e Tiranës, ndërsa konkurrenca në këtë pozitë do të shtohet në mars.

Ish-portieri i Dritës, Vllaznisë së Pozhoranit dhe Hajvalisë, Betim Halimi që tani mbron te Olimpik Donetsk pritet të ftohet për ndeshjet e muajit mars.

Halimi në një prononcim për emisionin ‘Koha Shtesë’ në Super Sport Kosova, ka thënë se beson se do të ftohet në mars.

Reklama

“Vitin e kaluar në ndeshje miqësore ndaj Suedisë më kanë ftuar, por unë sapo u pata kthyer nga një lëndim i rëndë dhe nuk kam qenë gati”.

Reklama

“Besoj se tani në mars do të marrë ftesë, ta shohim. Me 15 mars bëhet publike lista dhe besoj se do jem në pjesë e saj”, ka deklaruar Halimi.