“Banka Qendrore Evropiane duhet të jetë kritike ndaj pritshmërive të tregut për lëvizjet e saj të ardhshme në politika, duke i bazuar vendimet e saj në të dhëna ekonomike në vend të çmimeve të tregjeve financiare”, kështu tha zëvendëspresidenti i Bankës Qendrore Evropiane, Luis de Guindos në një konferencë në Manchester.
BQE ka premtuar një paketë stimuluese për takimin e saj mbi politikat më 12 shtator dhe pritshmëritë e tregut janë rritur. Investitorët tashmë po marrin në konsideratë disa ulje normash të interesit për vitin e ardhshëm dhe një raund të ri blerjesh të bonove, veprime të njohura gjerësisht si lehtësime sasiore.
“Politika jonë monetare është e varur nga të dhënat, jo nga tregu, indikatorët e pritshmërive të tregut nuk mund të zëvendësojnë gjykimin tonë politik. Një tjetër mënyrë për të fuqizuar analizën tonë është të kërkojmë për pritshmëri përtej atyre që shprehen në tregjet financiare”, tha de Guindos, përcjell Telegrafi.
Me një luftë tregtare botërore që po e shpie sektorin e prodhimit të eurozonës në recesion, ekonomia e bllokut mezi po rritet. Treguesit e fundit duket të sugjerojnë që ekonomia e brendshme po rëndohet dalëngadalë nga telashet e importuara. Rritja e punësimit po ngadalësohet, shitjet me pakicë kanë rënë dhe treguesit e vetëbesimit po rrëshqasin.
Por de Guindos dukej se i pëlqente të zbuste pritshmëritë e ngritura, duke përmendur efektin e “dhomëzës echo”, kur sinjalet e saj të forta fillojnë të reflektohen në çmimet e aseteve dhe tregjet nuk u përgjigjen më lajmeve mbi ekonominë sepse ata janë të çimentuar nga komunikimet e bankës qendrore.
“Efekti i ‘dhomëzës echo’ dhe turbullirat e trashëguara nga sinjalet e tregjeve janë arsyet pse ne duhet t’i marrim pritshmëritë që janë vendosur në tregjet financiare jo shumë seriozisht. Sa më shumë udhëzime për të ardhmen që ne japim, aq më pak informuese janë tregjet financiare për njehsimin e gjendjes së tashme dhe evoluimit të ekonomisë”, tha ai.
BQE ka një rekord solid në udhëzimin e pritshmërive të tregut, por masat e saj stimuluese kanë tejkaluar pritshmëritë në pika kyçe të së kaluarës, duke fituar reputacionin e një banke që di të habisë. /Telegrafi/
Promo
Reklamo këtuLufta Prigozhin - Putin
Më shumë24 orë na ndajnë nga ngjarja e madhe Halving në Bitcoin
Kush është vajza biznesmene që po pushton tregun muzikor?
Kosova përfiton 90 milionë euro nga Banka Botërore
Telegrafi fuqizon shërbimet e marketingut duke sjell reklamim atraktiv
3, 2, 1 - Volvo gati për ty!
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi