LAJMI I FUNDIT:

Policia verifikon praninë e një njësie paraushtarake proruse në Bosnjë

Policia verifikon praninë e një njësie paraushtarake proruse në Bosnjë

Shërbimet sekrete boshnjake po verifikojnë publikimet në media në lidhje me krijimin e një njësie paraushtarake proruse, me mbështetjen e kreut të entitetit të serbëve të Bosnjës, Milorad Dodik që e përgënjeshtroi një fakt të tillë, raportoi sot një burim policor.

‘’Agjencia e hetimit dhe e mbrojtjes (Sipa) është në proces verifikimi të publikimeve në lidhje me shoqatën Srbska Cast (Nderi serb)”, deklaroi për median zyra e shtypit të Sipa-s, pa dhënë më tepër detaje.

Pa paraqitur publikisht provat, ministri boshnjak i Sigurisë, Dragan Mektiq pohoi se kjo organizatë e Serbisë fqinje, që ka një degë në Bosnje ishte një formacion paraushtarak. Anëtarët e saj hodhën poshtë këto akuza.

Web-i që publikoi këtë akuzë siguroi se ky grup ishte nën varësinë e Milorad Dodik. Ky i fundit denoncoi në mënyrë kategorike këtë akuzë.

Dragan Mektic, gjithashtu një serb i Bosnjes është një kundërshtar i flaktë i Milorad Dodik. Analistët parashikojnë se partitë e tyre do të ndërmarrin një fushatë mjaft të ashpër përpara zgjedhjeve të përgjithshme në vjeshtë.