Eliza Hoxha ka kohë që nuk ka sjell ndonjë këngë të re muzikore.

Por, këngëtarja shqiptare po vazhdon me aktivitetet kulturore dhe një ndër to ishte edhe në shtetin serb.

Artistja do të jetë pjesëmarrëse në festivalin e përbashkët Kosovë-Serbi, i njohur si ‘Mirdita, Dobar Dan”.

Mirëpo, në pikën kufitare të Merdares, Hoxha është maltretuar nga policët serbë të cilët ia kanë kontrolluar në detaje materialet që ajo bartte.

Kështu së paku ka shkruar në llogarinë personale në Facebook, fotografi Arben Llapashtica, i cili ka publikuar edhe disa imazhe.

“Arti nuk njeh kufi? Ne k’to momente cfar malltretimi po i behet Eliza Hoxha”, ka shkruar fotografi Arben Llapashtica i cili është bashkë me Eliza Hoxhën në autobusin që shkon drejt Beogradit.

Theksojmë se një prej fotografive që përmbante mbishkrimin UÇK janë ndaluar nga policia kufitare serbe. /Telegrafi/