Pokemon GO Fest vjen me ngjarje të shumta

Kompania Niantic më në fund ka shpallur Pokemon GO Fest për vitin 2022.

Pokemon GO është një ngjarje e cila mbahet çdo vit që nga viti 2017, ku lojtarët mblidhen për të kapur Pokemon në lojën Pokemon GO përmes telefonit celular.

Tifozët e Pokemonit kanë spekuluar nëse ngjarja e Pokemon GO Fest 2022 do të ndodhte pasi organizimi i tubimeve në jetën reale u bë pothuajse i pamundur, për shkak të COVID-19.

Për fat të mirë, Niantic ka dhënë një përgjigje duke i bërë lojtarët të shënojnë kalendarët e tyre për qershor dhe gusht të këtij viti.

Pokemon GO Fest i këtij viti do të jetë një ngjarje globale dyditore të shtunën, 4 qershor 2022 dhe të dielën, 5 qershor 2022, me një ngjarje finale bonus të shtunën, 27 gusht 2022, në lojën për telefona celular Pokemon GO.

Por, kjo nuk është e gjitha këtë verë do të prezantohen gjithashtu ngjarje të Pokemon GO Fest në vendet e mëposhtme:

E premte, 1 korrik 2022, deri të dielën, 3 korrik 2022: Berlin, Gjermani

E premte, 22 korrik, deri të dielën, 24 korrik 2022: Seattle, WA, SHBA

E premte, 5 gusht 2022, deri të dielën, 7 gusht 2022: Sapporo, Japoni

Pokemon GO Fest i fundit u zhvillua në vitin e 2021 dhe raportohet se ishte një arritje e madhe, ku lojtarët kapën mbi 1.5 miliardë Pokemon, vizituan PokeStops rreth 900 milionë herë dhe përfunduan pothuajse 25 milionë bastisje në lojë. /Telegrafi/