Mykhalio Podoliak, një këshilltar i presidentit ukrainas, Volodymyr Zelensky, iu përgjigj aleatit të Vladimir Putinit dhe ish-presidentit rus, Dmitry Medvedev, i cili tha sot se pyetja ishte nëse Ukraina do të ekzistonte pas dy vjetësh.

Podoliak deklaroi se Medvedev është një burrë i vogël dhe i pasigurt që përhap helm në Ukrainë.

“Kjo është mënyra e tij e vetme për të promovuar veten. Ukraina ishte, është dhe do të jetë. Pyetja është se ku do të jetë Medvedev pas dy vitesh”, ka shkruar Podoljak në Twitter.

Kujtojmë se nënkryetari i Këshillit të Sigurimit të Rusisë, Dmitri Medvedev, më parë kishte vënë në pikëpyetje ekzistencën e shtetit ukrainas.

Reklama

“Dhe kush po thotë që në dy vjet, Ukraina do të ekzistojë edhe në hartën e botës? Edhe pse amerikanëve nuk u intereson më, ata kanë investuar aq shumë në projektin anti-rus saqë gjithçka u është lënë atyre”, ka shkruar Medvedev në Telegram.

Reklama

Ish-presidenti i Rusisë njoftoi se kishte parë një njoftim ku thuhej se Ukraina “dëshiron të marrë gaz natyror të lëngshëm (LNG) nga partnerët e saj të huaj dhe të paguajë për të në dy vjet”. /Telegrafi/