Një snowboardere ka regjistruar momentin e tmerrshëm kur ajo po ndiqej nga një ari, derisa ajo ishte duke bërë snowboard - gjë të cilën ajo as që e kishte vërejtur.
Kelly Murphy ishte duke rrëshqitur në borë në Parkun Dimëror Hakuba 47 në Japoni kur ajo e kishte regjistruar pamjet, transmeton Telegrafi.
Video tregon momentin kur ajo po mbathte pajisjet dhe për të regjistruar gjithçka po bënte, kishte vendosur një kamerë.
Por, ndërsa ajo përjeton udhëtim e saj, duke kënduar me zë të lartë një këngë të Rihannas dhe rrëshqet poshtë kodrës, një ari i madh mund të shihet qartë që vjen pas saj.
Edhe pse ai kurrë nuk e kapi, ai duket se po lëvizte me një shpejtësi poshtë malit, prapa sportistes.
Kelly e habitur me pamjet ka postuar videon në YouTube, duke komentuar: "Unë isha duke kënduar 'Work' të Rihannas dhe nuk e dija se ishte pas meje!”
Megjithatë, ndër komentuesit në internet ka të tillë që mendojnë se kjo video është një montazh. /Telegrafi/
