LAJMI I FUNDIT:

Për të nëntën ditë radhazi, vijojnë kërkimet për Martinin në ujrat e detit grek

Për të nëntën ditë radhazi, vijojnë kërkimet për Martinin në ujrat e detit grek
Foto: Ilustrim

Përpjekjet për gjetjen e Martin Jovanovskit, shtetasit të tretë nga Maqedonia, i zhdukur në ujërat pranë Posidit të Greqisë, vazhdojnë edhe sot.

Organizata joqeveritare OFKATH njoftoi se sot për të nëntën ditë do të vazhdojnë përpjekjet për gjetjen e të riut nga Shkupi.

“Vazhdojmë me përpjekjet për gjetjen e Martinit të zhdukur prej 9 ditësh. Hetimet e sotme janë përforcuar nga anëtarët e OFKATH, një bazë gatishmërie me një dron profesional hartografik, një kamerë termike dhe dy varka”, thuhet në njoftim.

Kujtojmë se dy shtetasit e tjerë u gjetën disa orë pasi rryma detare kishte pamundësuar daljen e tyre nga deti.

Të shtunën u gjet Vasili, ndërsa të dielen pas më shumë se 20 orëve qëndrimi në ujë, u gjet dhe Ivani.

Shteti grek pas katër ditë kërkimesh ka ndërprerë kërkimet zyrtare për Martinin, ndërsa për gjetjen e tij tashmë janë angazhuar kompani private dhe iniciativa të ndryshme qytetare.