Për kreun e Jaguar dhe Land Rover prioritet më i madh mbetet lufta kundër mafies së veturave sesa ulja e taksave

Drejtori ekzekutiv i Jaguar – Land Rover, Adrian Mardell, beson se lufta kundër mafies së automjeteve është një prioritet më i lartë sesa ulja e normave të taksave.

Ai u bëri thirrje autoriteteve britanike që të luftojnë më me vendosmëri mafien e veturave, transmeton Telegrafi.

Ai shprehu shqetësimin e tij pasi autoritetet britanike publikuan të dhëna se numri i “xhipave” të vjedhur Range Rover ishte rritur ndjeshëm, si dhe se numri i atyre që pretendonin dëmshpërblime nga kompania e sigurimeve ishte rritur ndjeshëm.

Megjithatë, Mardell siguron se automjetet e kompanisë së tij kanë sisteme të mira sigurie dhe deklaroi se shifrat e përmendura janë të ekzagjeruara.

Ai theksoi se vjedhja e organizuar e automjeteve, siç tha ai, është një problem serioz në Britaninë e Madhe dhe se ky problem ka prekur ndjeshëm të gjithë prodhuesit, përfshirë Jaguar Land Rover.

“Klientët tanë po vuajnë për shkak të kësaj dhe shumica e njerëzve në këtë shtet nuk do ta pëlqejnë atë”, tha ai.

Në Britaninë e Madhe vitin e kaluar, Ford Fiesta ishte më e vjedhura, e ndjekur nga Ford Focus. Ndër dhjetë automjetet më të vjedhura ishin modelet Range Rover Sport, Evoque dhe Sport.

Siç raporton Autocar, duke pasur parasysh se vjedhja e automjeteve është një problem i madh, Mardell deklaroi se do të preferonte që të ndaheshin para për të luftuar këtë problem, në vend që të ulen taksat vitin e ardhshëm. /Telegrafi/