PEPR: Ku është Amdi Bajram që harxhoi paratë nga Evropa?

Partia për Emancipimin e Plotë të Romëve (PEPR) ka akuzuar se kryetari i Komunës ‘Shuto Orizarë’, Elvis Bajrami, se ka përvetësuar dhe keqpërdorur paratë nga Evropa, transmeton Telegrafi Maqedoni.

Sipas PEPR, Komuna Shuto Orizarë më 8 dhjetor 2014, ka fituar një grant rreth 549 mijë euro, të dedikuara për punësimin e romëve, hapjen e fabrikave dhe punësimeve të reja, për zhvillimin e ekonomisë dhe për investimet në komunë, me qëllim integrimin e romëve në shoqëri dhe jetën ekonomike në Maqedoni, nëpërmjet punësimit të tyre.

Partia thërret kryetarin e Komunës të tregojë se ku, siç thuhet nga PEPR, i ka harxhuar këto para dhe për çfarë qëllime.

“Ose, së bashku me babain e tij Amdi Bajram ka bërë shitore me këto para dhe tani marrin qira nga këto shitore. A do të ndërpriten edhe këto grante si fondet IPA-s, nëse përdoren në mënyrë të papërshtatshme ose përvetësohen. Ne i bëjmë thirrje Prokurorisë së Përgjithshëm që të trajtoj me këto para nga BE-ja, Policia Financiare, Auditori shtetëror të fillojë procedurë për të kontrolluar këto grante nga Komisioni Evropian. Gjithashtu, i bëjmë thirrje Komisionit Evropian që ka shpërndarë këto para të kontrollojë këto para. Ne si parti bëjmë të ditur se ku u harxhuan, por presim konfimim nga institucionet dhe Komisionin Evropian”, thonë nga PEPR. /Telegrafi/