Pasi ka mbyllur pjesën e parë të udhëzimeve – tani Real Madridi mund të nënshkruajë me dy mbrojtësit

Real Madridi ka qenë i lidhur me mbrojtësin e djathtë të Liverpoolit, Trent Alexander-Arnold dhe me mbrojtësin e majtë të Bayern Munichut, Alphonso Davies për pjesën më të madhe të vitit të kaluar.

Megjithatë, me të dy tani është në gjendje të nënshkruajnë dhe marrëveshja pritet të përshpejtohet në javët e ardhshme.

Të dyve iu tha se për të nënshkruar me Real Madridin, ata duhej të bënin një marrëveshje sikurse të Mbappes dhe t’i përfundonin kontratat e tyre deri në atë pikë sa të mund të nënshkruanin me Los Blancos, pavarësisht nga presioni që u bëhej nga klubet e tyre.

Me përfundimin e pjesës së parë ku dy lojtarët u udhëzuan, tani mund të fillojë faza e dytë, e cila është nënshkrimi dhe vulosja e kontratave të tyre – marrëveshje që mund të realizohen ‘në ditët në vijim’.

Real Madridi ka shpresë se Liverpool do t’i afrohet idesë së shitjes së Alexander-Arnold në janar, shkruan Marca, por sido që të jetë, ata mbeten të sigurt për një marrëveshje që do të arrihet në janar, me lojtarin apo klubin.

Ka më shumë besim te Real Madridi për nënshkrimin e Alexander-Arnold, ndërsa për Davies, Bayern Munich po bën një lojë të madhe.

Sa i përket Davies, në Gjermani thonë se ka besim nga ana e Bayern Munich se ata mund të bëjnë një marrëveshje edhe me kanadezin pasi kanë bërë përparim të rëndësishëm në bisedime. /Telegrafi/