Pas vrasjes së tre ushtarëve amerikanë, Clark: Goditeni Iranin, burimin e përshkallëzimit

Vrasja e tre ushtarëve amerikanë në Lindjen e Mesme ka shtuar zërat se mund të kemi përshkallëzim të luftës në këtë rajon aziatik.

Gjenerali i pensionuar i ushtrisë amerikane, Wesley Clark, ka nxitur autoritetet amerikane që të godasin Iranin.

Lexo po ashtu Pas vrasjes së tre amerikanëve në Jordani, reagon Biden

“SHBA-ja duhet të ndalojë së thëni ‘ne nuk duam përshkallëzim’. Kjo i fton ata të na sulmojnë. Mos i quani sulmet tona ‘hakmarrje’. Kjo është reaguese. Humbjani atyre aftësitë dhe goditni fort burimin: Iranin”, ka shkruar ai në platformën X.

Three U.S. troops killed in Jordan by Iranian backed militia. The U.S. should stop saying “we don’t want to escalate.” This invites them to attack us. Stop calling our strikes “retaliation.” This is reactive. Take out their capabilities and strike hard at the source: Iran.

— Wes Clark (@GeneralClark) January 28, 2024

Ndryshe, presidenti amerikan, Joe Biden tha se po mbledhin faktet rreth sulmit, por shtoi se ai “u krye nga grupe militante radikale të mbështetura nga Irani që veprojnë në Siri dhe Irak”.

Lexo po ashtu Autoritetet jordaneze: Ushtarët amerikanë u vranë në Siri

Ai gjithashtu paralajmëroi hakmarrje, duke thënë se SHBA-ja “do t’i mbajë të gjithë ata që janë përgjegjës të japin llogari në një kohë dhe në një mënyrë të zgjedhjes sonë”.

Ndryshe, kjo është hera e parë që ushtarët amerikanë vriten në rajon që nga sulmet e Hamasit më 7 tetor në Izraelin jugor. /Telegrafi/