Pas ndarjes nga njëri-tjetri, Megan Fox dhe Brian Austin Green me partnerë të rinj

Janë bërë më pak se një muaj që kur aktori Brian Austin Green ka lajmëruar ndarjen nga bashkëshortja e tij, Megan Fox.

Ndonëse nuk ka kaluar shumë kohë, dyshja e famshme janë parë në shoqërinë e partnerëve të rinj.

Megan ditë më parë u shfaq së bashku me rap-artistin Machine Gun Kelly, për të cilët kanë lindur dyshime se mund të kenë filluar një lidhje dashurie.

Ndërkaq, në anë tjetër Green ishte fotografuar me yllin e njohur televiziv, Courtney Stodden.

Përkundër se janë parë disa herë së bashku, sipas tabloideve të huaja të njëjtit janë vetëm miq të mirë.

Stodden më parë ka qenë e martuar me aktorin 51-vjeçar, Doug Hutchison, gjersa dyshja janë divorcuar vite më parë.

Green sqaroi se Megan i tha atij se ajo e pëlqente veten më mirë kur ishte larg tij dhe kështu pas disa diskutimesh ata reciprokisht ranë dakord të ‘ndahen për pak’ dhe të përpiqen të përdorin hapësirën dhe kohën për gjëra të tjera.

“Unë do ta dua gjithmonë. Dhe unë e di që ajo do të më dojë gjithmonë dhe unë e di sa i përket një familje ajo që kemi ndërtuar është vërtet e lezetshme dhe me të vërtetë e veçantë”, ka thënë Brian për Fox. /Telegrafi/