Pas lajmeve për divorc, reagon Anjeza Shahini: Më kërkoni falje publike

Ka tash e sa ditë që në rrjetet sociale qarkullon një lajm rreth jetës private të këngëtares Anjeza Shahini.

U përfol se distancimi i saj nga rrjetet sociale vjen si pasojë e ndarjes nga bashkëshorti i saj, diplomati britanik Paul Edward Conolly.

Por në fakt një lajm i tillë ka rezultuar totalisht i pavërtetë dhe mbi një të pavërtetë të tillë ka reaguar vet këngëtarja përmes një shkrimi të publikuar në InstaStory.

Lexo po ashtu Kthim në kohë: Kur Anjeza Shahini dhe Marigona këndonin "Mes Nesh" (Foto/Video)

“Keni të ‘drejtën’ tuaj për të kërkuar falje publike për lajmin e gënjeshtërt, dëm-prurës ndaj imazhit tim publik, lajm i krijuar nga imagjinata juaj djallëzore. Kërkoj të fshini shpikjen tuaj nga websitet dhe rrjetet sociale e shëmtuara që menaxhoni, dhe të përgënjeshtroni urgjentisht konkluzionin tuaj reth statusit tim familjar. Të keni turp që lëndoni një familje, dëmtoni imazhin e një vajze të rritur para syve të publikut shqiptar”, ka shkruar Anjeza Shahini.

Tutje, interpretuesja e hitit “Nxënësja më e mirë”, tha se do t’i shkojë deri në fund kësaj çështje, teksa ka pranuar falje nga disa prej atyre që kanë hedhur në këtë qarkullim këtë thashethem të pavërtetë.

“Disa janë përgjigjur, por shumë ende jo. Faji tenton të mbetet jetim. Problemi nuk qëndron thjesht tek thashethemi i momentit, por tek gënjeshtra që mbetet në arkivë dhe këtë askush nuk duhet ta tolerojë. Sigurisht që unë do mundohem ti shkoj deri në fund por juve nuk do ua lodh kokën me detaje. Vazhdojmë me programin tonë in english — .Nëse dhe sapo të sqaroj gjithçka, do ju bëj me dije. Ju falënderoj pa fund për të gjitha mesazhet tuaja mbështetëse”, ka shkruar tutje këngëtarja nga Shqipëria.

Anjeza përndryshe është e martuar me Paulin që nga viti 2015 dhe çifti janë prindër të një vajze. /Telegrafi/