Parashikimi i motit për ditën e nesërme

Instituti Hidrometeorologjik i Kosovës, ka njoftuar se nesër mbi vendin tonë do të mbajë mot me diell dhe vranësira të shpërndara.

Temperaturat minimale do të lëvizin ndërmjet 10-15 gradë celsius, ndërsa maksimalet e ditës parashihet të lëvizin ndërmjet 23-26 gradë Celsius. Shtypja atmosferike do të shënoj rritje graduale, duke regjistruar vlera mbi normalen.  Po ashtu do të fryjë erë nga drejtimi i verilindjes me shpejtësi 1-6 m/s, transmeton Telegrafi.

Në njoftimin e bërë nga IHK thuhet se, sasitë e reshjeve që ranë ditën e mërkurë, ishin më se të domosdoshme për gjitha sferat e jetës, duke u nisur nga bujqësia, akumulimi i ujit në liqene, pastrimin e ajrit edhe pse këto reshje në perëndim dhe lindje të Kosovës u shoqëruan me breshër dhe shkaktuan dëme sidomos në perimekulturë, por fatbardhësisht kishin përfshirë territore të vogla.

Lexo po ashtu Bien temperaturat në Kosovë, shi dhe shkarkime rrufesh në disa qytete

Në verilindje u regjistruan më së paku reshje, rreth 2 litër për metër katror, ndërsa në perëndim të vendit, sasitë e reshjeve u regjistruan rreth 25 litër për metër katrorë./Telegrafi/