Këngëtari i njohur, Labinot Tahiri, i shndërruar tashmë në deputet, shumë shpejt do të publikojë baladën e tij më të re me titull “Paramendo”.

Reklama

Ndonëse po bëhet gati të ulet në ulësen e deputetit në Kuvendin e Kosovës, Labi ka menduar që fansat të mos i lërë pa një tjetër këngë të tij.

Në një intervistë për Telegrafin, Labi ka shpalosur detajet e projektit të tij të ri muzikor, këngë të cilën e ka punuar me gjithë shpirt.

“Nuk e kisha në ide të bëj një baladë ose këngë, por për shkak të kohës dhe gjendjes aktuale, mendoj që askush nuk po i këndon realisht dashurisë, por po bëjnë vetëm këngë komerciale, kështu që unë kam ndjenja për këngën dhe i kushtoj rëndësi dashurisë”, ka thënë Labi për Telegrafin.

Reklama
Reklama

Por, përse vendosi të rikthehet me baladë?

“Nuk e kam menduar më herët që do rikthehesha me baladë, sepse kam deklaruar se nuk do të bëjë më këngë, por ja që akoma nuk kam shkelur në parlament ose nuk jam kryetar komune, dhe prandaj vendosa që ta këndoj një baladë, sepse baladat më kanë shkuar gjithmonë, dhe unë për vete mendoj që është një hit i jashtëzakonshëm, do ta dëgjoni”, tregon këngëtari.

Ditë më parë përfunduan xhirimet e klipit në Shkup, për të cilat Labi thekson se përfunduan me sukses, pavarësisht problemeve të mëdha shëndetësore me gurët në veshka që pati atë ditë.

Reklama

“Xhirimet e klipit janë kryer nga produksioni ‘Fabrika’ në Shkup, ndërsa të drejtat autoriale i gëzon Eurolindi. Kënga është shkruar nga Avni Qahili, normalisht duke u bazuar në temën që unë ia kam dhënë, por shëndeti ka qenë shunë pengesë, për shkak se kam qenë me gurët në veshka ato ditë gjatë xhirimit”, tha Labinot Tahiri.

Reklama

Politika, është rruga me të cilën Labi ka zgjedhur të vazhdojë tani e tutje. Për Telegrafin, ai tregon se kjo mund të jetë ndër këngët e fundit të tij para se të ulet në Kuvend, megjithatë asnjëherë nuk do të tërhiqet nga muzika!

“Tani për tani pas kësaj balade nuk e mendoj se do të bëjë ndonjë këngë tjetër, por mbi të gjitha nëse e bëj, duhet të ndihem shpirtërisht mirë, si për këngën ashtu edhe për tekstin, edhe për ngjarjet reale që ndodhin rreth jetës sime”, përfundon Labinot Tahiri për Telegrafin.

Reklama

Balada “Paramendo” do të publikohet javën e ardhshme.

Telegrafi ka përcjellë nga afër xhirimet e klipit, dhe ju prezantojmë më poshtë me disa imazhe ekskluzive nga klipi më i ri i Labinot Tahirit, “Paramendo”. /Telegrafi/

Reklama