LAJMI I FUNDIT:

Pagat e policëve dhe zjarrfikësve me ligjin e ri

Pagat e policëve dhe zjarrfikësve me ligjin e ri

Qeveria e Kosovës në mbledhjen e së mërkurës ka caktuar vlerën e koeficientit të pagave për punëtorët e sektorit publik, e cila këtë vit do të jetë 105 euro.

Ndërsa, siç u bë e ditur, gjatë 2024-së vlera e koeficientit pritet të rritet në 110 euro, shkruan Telegrafi.

Ligji i Pagave që hyn në fuqi pas pak ditësh rregullon çështjen e pagave për mbi 82 mijë punëtorët e sektorit publik.

Qeveria prezanton pagat bruto për secilin sektor – rritje nga 30 për qind deri 90 për qind për disa kategori
Lexo po ashtu Qeveria prezanton pagat bruto për secilin sektor – rritje nga 30 për qind deri 90 për qind për disa kategori

Për të llogaritur pagën duhet shumëzuar vlerën e koeficientit me koeficientin. Pra, pasi që vlera e koeficientit është 105 euro, zyrtari që ka pagë në koeficient 5 do të marrë pagë 525 euro bazë, pa llogaritur shtesat.

Bazuar në këtë përllogaritje, pagat për Policinë e Kosovës dhe zjarrfikësit do të jenë si më poshtë:

Drejtori i policisë 1522.5 euro

Koloneli 1071 euro

Polic i lartë 619.5 euro

Polici 525 euro 

Polic i ri 472.5 euro

Kadet 210 euro

Komandanti i brigadës së zjarrfikësve 735 euro

Zjarrfikës 525 euro 

Zjarrfikës praktikant 420 euro /Telegrafi/